Սոչիում կցուցադրվի Մոնթե Մելքոնյանին նվիրված ֆիլմ

ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Սոչիի «Ազգային հիշողություն» կազմակերպությունը քաղաքի Տուապսեի շրջանում կանցկացնի «Ով է Մոնթեն» ֆիլմի ցուցադրությունը: Հուլիսի 2-ին նախատեսվող ցուցադրությունը մեկն է այն հայրենասիրական միջոցառումներից, որ իրականացնում է կազմակերպությունը: Ինչպես հաղորդում է «Արմենպրես»-ը` վկայակոչելով Ռուսաստանում հրապարակվող «Երկրամաս» թերթը, ավելի վաղ` հունիսի 24-ին, ֆիլմը ցուցադրվել էր Սոչիի այլ թաղամասում:

Էդվարդ Բադունցի ֆլմը հայալեզու է, սակայն կազմակերպության ջանքերով այն թարգմանվել է նաև ռուսերեն: Շուտով Ֆիլմի ռուսալեզու տարբերակը հասանելի կլինի նաև «ՅուԹուբ» կայքի միջոցով:

ԱՄՆ-ից Հայաստան ժամանած Էդուարդ Բադունցի «Ով է Մոնթեն» ֆիլմը ներկայացնում է Մոնթեի կյանքի պատմությունը, նրա վերջին ճանապարհը, կնոջ տառապանքները: Ֆիլմում ռեժիսորը փորձել է ներկայացնել, թե ինչու Մոնթեն եկավ Ամերիկայից իր երկիր` Հայաստան, և մասնակցեց ազատամարտին: