Սփյուռք

Բերիո թեմի ազգային առաջնորդարանի առաջնորդն այցելել է Լաթաքիա

1 րոպեի ընթերցում

Բերիո թեմի ազգային առաջնորդարանի առաջնորդն այցելել է Լաթաքիա

ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Բերիո թեմի ազգային առաջնորդարանի առաջնորդ Տեր Շահան արք. Սարգիսյանը մայիսի 4-ի առավոտյան ուղևորվել է Լաթաքիա: Այս մասին «Արմենպրես»-ը տեղեկացավ «Բերիո լուրեր» ֆեյսբուքյան էջից: Նրան ուղեկցել են Մեծի Տանն Կիլիկիո կաթողիկոսության երկու միաբան հայրեր: Այցելության նպատակն է ծանոթանալ Քեսաբի գաղթականների վիճակին և հանդիպել պատասխանատու մարմինների ներկայացուցիչներին:

Տեր Շահան արք. Սարգիսյանը արդեն 2-րդ անգամն է այցելում Լաթաքիա: Առաջին անգամ երկօրյա այցելություն է կատարել մարտի 29-ին և 30-ին: Այնտեղ նա հանդես է եկել ուժ և կորով ներշնչող կոչով: Նա անձամբ հետևել է Ծովափի շտապ օգնության մարմնի աշխատանքներին: Արք. Սարգիսյանը բարձրաձայն աղոթել է Սիրիայի խաղաղության համար, ապա հորդորել է քեսաբահայերին հույսով և հավատով զինվել և միասնականությամբ հաղթահարել դժվարությունները:

Քեսաբի շրջանի վրամարտի 21-ին զինյալների հարձակումից հետո քեսաբահայերի մի մասը ապաստան է գտել Լաթաքիայի Սուրբ Աստվածածին եկեղեցու երկու սրահներում, մյուսները տներ են վարձել կամ բնակվում են իրենց ազգականների մոտ:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում