Սլովակիայի ռադիո-սիմֆոնիկ նվագախումբը հանդես կգա Էդուարդ Թոփչյանի ղեկավարությամբ

ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ:Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժորԷդուարդ Թոփչյանը որպես դիրիժոր մայիսի 5-ինկղեկավարիՍլովակիայի ռադիո-սիմֆոնիկ նվագախումբը: Ինչպես «Արմենպրես»-ին տեղեկացրին ՀՊՖՆ մամլո ծառայությունից, համերգը տեղի կունենա Վիեննայի Մյուզիքֆերայնի դահլիճում: Ծրագրում կհնչենՅանգ-Սուպ Չոյի, Դվորժակի, Բարբիերիի, Մոցարտի և Բեթհովենի ստեղծագործությունները:

Դիրիժոր Էդուարդ Թոփչյանը ծնվել է 1971թ. Երևանում: Ավարտել է ԵրևանիԿոմիտասիանվան պետական կոնսերվատորիայի ջութակի բաժինը: Դիրիժորության դասեր է առել Օհան Դուրյանից: 1991թվականից սկսել է զբաղվել դիրիժորությամբ, երբ ստեղծել է «Սերենադ» կամերային նվագախումբը կոնսերվատորիայի իր մի խումբ ընկերների մասնակցությամբ: Հայաստանի պետական ֆիլհարմոնիկ նվագախմբի հետ առաջին անգամ ելույթ է ունեցել 2000թ.: Նույն տարում ստանձնել է նվագախմբի գեղարվեստական ղեկավարի և գլխավոր դիրիժորի պաշտոնը: Համերգային ծրագրերով հանդես է եկել Հայաստանում և արտերկրում: Բացի այդ, հանդես է եկել շուրջ 45 անվանի նվագախմբերի հետ Եվրոպայում, ԱՄՆ-ում, Ասիայում: Եղել է մի շարք նշանակալից փառատոնների գեղարվեստական ղեկավար: 2006թ. արժանացել է ՀՀ արվեստի վաստակավոր գործչի կոչման և ՀՀ մշակույթի նախարարության ոսկե մեդալի: 2012 թվականից Իսպանիայիսիմֆոնիկ նվագախմբի գլխավոր հրավիրյալ դիրիժորն է: