1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ ծայրագույն պատրիարք և Ամենայն Հայոց կաթողիկոսն ապրիլի 16-ին ընդունել է Հայաստանի Հանրապետությունում Իրաքի Հանրապետության արտակարգ և լիազոր դեսպան Ղազի Տահիր Կալետին: Ինչպես «Արմենպրես»-ին տեղեկացրին Մայր Աթոռի տեղեկատվական համակարգից, հանդիպմանը Վեհափառ Հայրապետը գոհունակությամբ անդրադարձել է երկու երկրների ջերմ ու բարեկամական հարաբերություններին` հույս հայտնելով, որ դեսպանի ջանքերով առկա համագործակցությունն առավել կընդլայնվի` ներգրավելով գործակցության տարբեր ոլորտներ:
Այնուհետև Վեհափառ Հայրապետը և Իրաքի դեսպանը խոսել են Իրաքի հայ համայնքային ու թեմական կյանքի մասին, մասնավոր անդրադարձ է կատարվել միջկրոնական երկխոսության կարևորությանը:
Իր հերթին ՀՀ-ում Իրաքի դեսպան Ղազի Տահիր Կալետը շնորհակալություն է հայտնել Մայր Աթոռում ջերմ ընդունելության համար, Նորին Սրբությանը ներկայացրել Իրաքի և Հայաստանի միջև առկա կապերի զորացմանն ուղղված քայլերը` կարևորելով երկու երկրների հարաբերությունների հետագա զարգացումը: