6 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագծի այս շաբաթվա առաջատարը «ՎէՄ» հրատարակչության «Իմ առաջին գիրքը» խորագիրը կրող հանրագիտարաններն են: Շարքի տարբեր հատորները երեխաներին ծանոթացնում են ընտանի ու վայրի կենդանիների, թվերի ու տառերի, մրգի ու բանջարեղենի, մարդու մարմնի մասերի և այլ պատկերների հետ: Մատենաշարն արդեն մի քանի շաբաթ պարբերաբար ընդգրկվում է վարկանիշային աղյուսակում: Հրատարակության գլխավոր նպատակներից է վերականգնել հայոց լեզվի մաքրությունը և լայն շրջանառության մեջ դնել առօրյայում գործածվող բազմաթիվ բառերի հայերեն համարժեքները: Հայերեն լույս են տեսել «Իմ առաջին գիրքը» մատենաշարի 10 անուն գրքեր:
Բոլոր ժամանակների ամենապահանջված հեղինակներից մեկի`ՀովհաննեսԹումանյանի «Հեքիաթներ»ժողովածուն երկրորդ հորիզոնականում է: Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի տարբեր լեզուներով, մշտապես հետաքրքրել են ընթերցողներին: Դրանք պահանջված են բոլոր սերունդների կողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
«Բուկինիստ» հրատարակչության«Մաշանու արջը.թռչողցախավելը»գիրքը երրորդ հորիզոնականում է: Ինչպես ժամանակակից մուլտֆիլմերի դրվագների մասին պատմող այլ հեքիաթներ, այնպես էլ «Մաշան ու արջը. թռչող ցախավելը» շատ կարճ ժամանակում գրավել է փոքրիկներին: Մանկական գիրքը պատմում է Մաշայի արկածների և կախարդական ցախավելի մասին: Այնտեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար:
Չորրորդ հորիզոնականն է զբաղեցնում «Էդիթ Պրինտ» հրատարակչության վերջերս լույս ընծայած«Աշխարհի իմաստուն հեքիաթներ»ժողովածուն:
Հինգերորդ տեղում«Երեքխոզուկներ.գունավորիրջրով»մանկական հեքիաթն է: Գիրքը հնարավորություն է տալիս փոքրիկներին ոչ միայն ծանոթանալ երեք խոզուկների արկածներին, այլև գունավորել գիրքը` կիրառելով իրենց նկարչական հմտությունները:
ՍմբատԳյուրջյանի«Իմառաջինայբուբենը+ֆլոմաստեր»գիրքն այս շաբաթ զբաղեցնում է վեցերորդ հորիզոնականը:Այն շաբաթներ շարունակ ընդգրկվել է վարկանիշային աղյուսակում: Գիրքը հրաշալի ուղեցույց է նախադպրոցական տարիքի երեխաների համար և փոքրիկներին հնարավորություն է տալիս ինչպես սովորել այբուբենը, այնպես էլ «կախարդական» ֆլոմաստերի օգնությամբ գրել տառերը:
Յոթերորդ հորիզոնականում դանիացի գրողՀանսՔրիստիանԱնդերսենի «Մատնաչափիկը»հեքիաթն է` «Բուկինիստ»-ի հրատարակությամբ: Այն ծաղկից դուրս եկող փոքրիկ աղջնակի` Մատնաչափիկի մասին է: Գրքին կցված է նաև խաղալիք:
Բեսթսելերի ութերորդ հորիզոնականում կրկին ՀովհաննեսԹումանյանի«Հեքիաթներն»ամփոփող ժողովածուն է` «Արևիկի» հրատարակությամբ:
Ջոան Ռոուլինգի «Հարրի Փոթերը և փիլիսոփայական քարը» գիրքն առաջին անգամ տեղ է գտել բեսթսելերի ցանկում: Համաշխարհային այս բեսթսելերը մշտապես մեծ պահանջարկ ունի աշխարհի տարբեր երկրներում: Հայ ծնողներն իրենց երեխաներին են նվիրել այս յուրօրինակ ստեղծագործության օրինակներից:
«Մանկական բեսթսելեր»-ն այս շաբաթ եզրափակում է ՀանսՔրիստիանԱնդերսենի«Հեքիաթներ»-ըժողովածուն: Անդերսենյան հեքիաթներըքաջ հայտնի են բոլոր փոքրիկներին ոչ միայն գրքերից, այլ նաև մուլտֆիլմերից ու լիամետրաժ խաղարկային ֆիլմերից, քանի որ դրանց զգալի մասն էկրանավորվել է:
Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06),«Բյուրոկրատ» (50-01-52) ,«Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը:
| Տեղ | Փոփ. | Գիրք | Հրատ. | Քանակ | |
| 1 | +2 | «Իմ առաջին գիրքը» | ՎԷՄ | 62 | |
| 2 | * |
Հովհաննես Թումանյան «Հեքիաթներ» |
ՄՀՄ | 34 | |
| 3 | -2 | «Մաշան ուարջը. թռչող ցախավելը» | Բուկինիստ | 12 | |
| 4 | 0 | «Աշխարհի իմաստուն հեքիաթներ» | Էդիթ Պրինտ | 11 | |
| 5 | * | «Երեք խոզուկներ. գունավորիր ջրով» | GSM | 9 | |
| 6 | * |
Սմբատ Գյուրջյան «Իմ առաջին այբուբենը+ֆլոմաստեր» |
GSM | 8 | |
| 7 | նոր |
Հանս Քրիստիան Անդերսեն «Մատնաչափիկը» |
Բուկինիստ | 8 | |
| 8 | -3 |
Հովհաննես Թումանյան «Հեքիաթներ» |
Արևիկ | 8 | |
| 9 | նոր |
Ջոան Ռոուլինգ «Հարրի Փոթերը և փիլիսոփայական քարը» |
Գասպրինտ | 8 | |
| 10 | -4 |
Հանս Քրիստիան Անդերսեն «Հեքիաթներ» |
Արևիկ | 5 |