397.92
Սամվել Մարտիրոսյանի համար անընդունելի է Քեսաբի վերաբերյալ ապատեղեկատվությունը
1 րոպեի ընթերցում
ԾԱՂԿԱՁՈՐ, 5 ԱՊՐԻԼԻ, ԱՐՄԵՆՊՐԵՍ: Լրագրողն իրավունք չունի իր հոդվածով հասարակության մեջ տագնապ առաջացնել: «Երիտասարդական քաղաքականություն. հիմնախնդիրներից մինչև լուսաբանում» խորագրով համաժողովի ընթացքում այսպիսի կարծիք հայտնեց մեդիա փորձագետ Սամվել Մարտիրոսյանը: «Լրագրողը նրա համար է, որպեսզի հասարակությանը ներկայացնի օբյեկտիվ, և որ ամենակարևորն է՝ ստուգված տեղեկատվություն: Լրագրողը նրա համար չէ, որ սենսացիայի համար անտեղի աղմուկ բարձրացնի»,- «Արմենպրես»-ի հաղորդմամբ՝ նշեց նա:
Սամվել Մարտիրոսյանը բերեց Քեսաբի օրինակը, երբ լուրեր տարածվեցին, թե Քեսաբում զինյալները կոտորում են հայերին: «Կարիք չկար վերցնել այդ տեսանյութը և ներկայացնել որպես Քեսաբում հայերի կոտորած, քանի որ այն բացարձակապես կապ չուներ դրա հետ»,- նշեց փորձագետը:
Սամվել Մարտիրոսյանն ընդգծեց, որ տարածված տեսանյութից կարելի էր անմիջապես հասկանալ, որ դա ապատեղեկատվություն է, քանի որ այնտեղ պարզ երևում էր, որ սպանում են զինվորականների, իսկ Քեսաբում եղել է խաղաղ բնակչություն, որը ժամանակին դուրս է բերվել և անվտանգ վայր է տեղափոխվել:
Բաժանորդագրվեք մեր ալիքին Telegram-ում