5 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագծի այս շաբաթվա առաջատարը «Բուկինիստ» հրատարակչության «Մաշան ու արջը. թռչող ցախավելը» գիրքն է: Ինչպես ժամանակակից մուլտֆիլմերի դրվագների մասին պատմող այլ հեքիաթներ, այնպես էլ «Մաշան ու արջը. թռչող ցախավելը» շատ կարճ ժամանակում գրավել է փոքրիկներին: Մանկական գիրքը պատմում է Մաշայի արկածների և կախարդական ցախավելի մասին: Այնտեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար:
«Բուկինիստ» հրատարակչության մեկ այլ գիրք` «Հեծել հավին կչկչացող» հեքիաթը ևս վարկանիշային աղյուսակի ցանկում է: Այն զբաղեցնում է երկրորդ հորիզոնականը:
Բոլոր ժամանակների ամենապահանջված հեղինակներից մեկի`Հովհաննես Թումանյանի «Հեքիաթներ»ժողովածուն երրորդ հորիզոնականում է: Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի տարբեր լեզուներով, մշտապես հետաքրքրել են ընթերցողներին: Դրանք պահանջված են բոլոր սերունդների կողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
ՍմբատԳյուրջյանի«Իմ առաջին այբուբենը+ֆլոմաստեր»գիրքն այս շաբաթ զբաղեցնում է չորրորդ հորիզոնականը:Այն շաբաթներ շարունակ ընդգրկվել է վարկանիշային աղյուսակում: Գիրքը հրաշալի ուղեցույց է նախադպրոցական տարիքի երեխաների համար և փոքրիկներին հնարավորություն է տալիս ինչպես սովորել այբուբենը, այնպես էլ «կախարդական» ֆլոմաստերի օգնությամբ գրել տառերը:
Հինգերորդ հորիզոնականում կրկինՀովհաննես Թումանյանիհեքիաթներն են` այս անգամ ամփոփված «Արևիկ» հրատարակչության«Հեքիաթներ»ժողովածուում:
ՀանսՔրիստիանԱնդերսենի«Հեքիաթներ»-ըևս ընդգրկվել է «Մանկական բեսթսելերի» այս շաբաթվա ցանկում: Անդերսենյան հեքիաթներըքաջ հայտնի են բոլոր փոքրիկներին ոչ միայն գրքերի, այլ նաև մուլտֆիլմերի ու լիամետրաժ խաղարկային ֆիլմերի տեսքով, քանի որ դրանց զգալի մասն էկրանավորվել է:
Այս գրքին հաջորդում է GSM հրատարակչության«Այբուբեն սպունգանման»գիրքը,որը ներառում է հայերենի 39 տառերը փոքրիկներին սովորեցնելու հետաքրքիր տարբերակներ:
Ութերորդ հորիզոնականում կրկին ՀանսՔրիստիան Անդերսենի հեքիաթներն են` այս անգամ ամփոփված «Կռունկ» հրատարակչության «Հեքիաթներ» ժողովածուում:
Համաշխարհային համբավ ունեցող գերմանացի հեքիաթագիրներԳրիմԵղբայրների «Հեքիաթներ»-նայս շաբաթ իններորդ հորիզոնականում է: Նրանց հեքիաթներից շատերն էկրանավորվել են: Գրիմ Եղբայրների գործերում պատժվում են ծուլությունն ու անբանությունը, խրախուսվում աշխատասիրությունն ու ջանասիրությունը:Դրանց մեծ մասը գրված է իրական պատմությունների հիման վրա:
«Մանկական բեսթսելեր»-ն այս շաբաթ եզրափակում է «Կռունկ» հրատարակչությանՀովհաննես Թումանյանի «Հեքիաթների մոլորակ»ժողովածուն:
Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06),«Բյուրոկրատ» (50-01-52) ,«Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը:
| Տեղ | Փոփ. | Գիրք | Հրատ. | Քանակ | |
| 1 | +3 | «Մաշան ու արջը. թռչող ցախավելը» | «Բուկինիստ» | 12 | |
| 2 | նոր | «Հեծել հավին կչկչացող» | «Բուկինիստ» | 11 | |
| 3 | +6 |
Հովհաննես Թումանյան «Հեքիաթներ» |
ՄՀՄ | 10 | |
| 4 | -2 |
Սմբատ Գյուրջյան «Իմ առաջին այբուբենը+ֆլոմաստեր» |
GSM | 10 | |
| 5 | -4 |
Հովհաննես Թումանյան «Հեքիաթներ» |
Արևիկ | 9 | |
| 6 | +1 |
Հանս Քրիստիան Անդերսեն «Հեքիաթներ» |
Արևիկ | 8 | |
| 7 | * | «Այբուբեն սպունգանման» | GSM | 7 | |
| 8 | * |
Հանս Քրիստիան Անդերսեն «Հեքիաթներ» |
Կռունկ | 6 | |
| 9 | -3 |
Գրիմ Եղբայրներ «Հեքիաթներ» |
Արևիկ | 5 | |
| 10 | -1 |
Հովհաննես Թումանյան «Հեքիաթներ» |
Կռունկ | 4 |
Աստղանիշով նշված գրքերը ցանկ վերադարձածներն են:
«Երևանյանբեսթսելերը»ներկայացրեցՌոզաԳրիգորյանը