Մանկական բեսթսելեր 31. Մանուկների համար լավագույն նվերը կարող է լինել հենց գիրքը

ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Հովհաննես Թումանյանի ծննդյան օրը` փետրվարի 19-ը, ավանդաբար նշվում է որպես Գիրք նվիրելու օր: Մանուկների համար ևս լավագույն նվերը կարող է լինել հենց գիրքը: Բեսթսելերի ցանկը ձեզ կօգնի կողմնորոշվել և գտնել այն գիրքը, որը կցանկանաք նվիրել ձեր փոքրիկին:«Արմենպրես» լրատվական գործակալության «Մանկական բեսթսելեր» հեղինակային նախագծի այս շաբաթվա առաջատարը կրկին «Բուկինիստ» հրատարակչության«Մաշանուարջը.Թռչողցախավելը»գիրքնէ: Ինչպես ժամանակակից մուլտֆիլմերի դրվագների մասին պատմող այլ հեքիաթներ, այնպես էլ «Մաշանուարջը. թռչողցախավելը»շատ կարճ ժամանակում գրավել է փոքրիկներին: Մանկականգիրքը պատմում էՄաշայի արկածներիևկախարդականցախավելիմասին: Հեքիաթը գրվել է «Մաշան և արջը» հայտնի մուլտֆիլմի հիման վրա: Այնտեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար:

Բոլոր ժամանակների ամենապահանջված հեղինակներից մեկի`ՀովհաննեսԹումանյանի «Հեքիաթները»այս շաբաթ երկրորդ հորիզոնականում է:Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի տարբեր լեզուներով, մշտապես հետաքրքրել են ընթերցողներին: Դրանք պահանջված են միշտ և բոլոր սերունդներիկողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:

Երրորդ հորիզոնականում կրկին Թումանյանի հեքիաթներն են ` այս անգամ «ՄՀՄ գրատան» հրատարակածՀովհաննեսԹումանյանի«Հեքիաթներիմոլորակ»ժողովածուն:

Չորրորդ հորիզոնականում էՀանսՔրիստիանԱնդերսենի«Հեքիաթները»: Անդերսենյան հեքիաթներըքաջ հայտնի են բոլոր փոքրիկներին ոչ միայն գրքերի, այլ նաև մուլտֆիլմերի ու լիամետրաժ խաղարկային ֆիլմերի տեսքով, քանի որ դրանց զգալի մասն էկրանավորվել է:

Հինգերորդ տեղում«Երեքխոզուկներ.գունավորիրջրով»մանկական հեքիաթն է: Գիրքը փոքրիկներին հնարավորություն է տալիս ոչ միայն ծանոթանալ երեք խոզուկների արկածներին, այլև գունավորել գիրքը` կիրառելով իրենց նկարչական հմտությունները:

Սմբատ Գյուրջյանի «Իմ առաջին այբուբենը+ֆլոմաստեր»գիրքն այս շաբաթ զբաղեցնում է վեցերորդ հորիզոնականը: Գիրքը հրաշալի ուղեցույց է նախադպրոցական տարիքի երեխաների համար և փոքրիկներին հնարավորություն է տալիս ինչպես սովորել այբուբենը, այնպես էլ «կախարդական» ֆլոմաստերի օգնությամբ գրի առնել այն:

Նախորդ շաբաթվա ընթացքում ամենաշատը վաճառված գրքերի ցանկն են համալրում նաև «ՎէՄ» հրատարակչության«Իմառաջինգիրքը»խորագիրը կրող հանրագիտարանները: Շարքի տարբեր հատորները երեխաներին ծանոթացնում են ընտանի ու վայրի կենդանիների, թվերի ու տառերի, մրգերի ու բանջարեղենների, մարմնի մասերի և այլ պատկերների հետ: Մատենաշարն արդեն մի քանի շաբաթ պարբերաբար ընդգրկվում է վարկանիշային աղյուսակում: Հրատարակության նպատակներից է նաև վերականգնել հայոց լեզվի մաքրությունը և լայն շրջանառության մեջ դնել առօրյայում գործածվող բազմաթիվ բառերի հայերեն համարժեքները: Հայերեն լույս է տեսել«Իմառաջինգիրքը»մատենաշարի 10 անուն գիրք:

Վարկանիշային աղյուսակի ութերորդ հորիզոնականում է «Արևիկ» հրատարակչության տպագրածՕսկարՈւայլդի«Հեքիաթներ»ժողովածուն:

Համաշխարհային համբավ ունեցող գերմանացի հեքիաթագիրներԳրիմԵղբայրների «Հեքիաթներ»-նայս շաբաթ իններորդ հորիզոնականում են: Նրանցից շատերն էկրանավորվել են: Գրիմ Եղբայրների հեքիաթներում պատժվում են ծուլությունն ու անբանությունը, խրախուսվում աշխատասիրությունն ու ջանասիրությունը:Դրանց մեծ մասը գրված է իրական պատմությունների հիման վրա:

Հանս Քրիստիան Անդերսենի հեքիաթներն ամփոփող մեկ այլ ժողովածու այս անգամ եզրափակում է «Մանկական բեսթսելեր» հեղինակային նախագիծը: Գիրքը հրատարակել է «Կռունկ» հրատարակչությունը:

Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06),«Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը:

Տեղ	Փոփ.	Գիրք		Հրատ.	Քանակ
1	+1		«Մաշան ու արջը. Թռչող ցախավելը»	Բուկինիստ	15
2	+2		Հովհաննես Թումանյանի «Հեքիաթներ»	Արևիկ	11
3	*		Հովհաննես Թումանյան «Հեքիաթների մոլորակ»	ՄՀՄ	10
4	+4		Հանս Քրիստիան Անդերսեն «Հեքիաթներ»	Արևիկ	10
5	*		«Երեք խոզուկներ. գունավորիր ջրով»	GSM	6
6	-5		Սմբատ Գյուրջյան «Իմ առաջին այբուբենը+ֆլոմաստեր»	GSM	6
7	-4		«Իմ առաջին գիրքը»	ՎէՄ	6
8	-2		Օսկար Ուայլդ «Հեքիաթներ»	Արևիկ	5
9	0		Գրիմ Եղբայրներ «Հեքիաթներ»	Արևիկ	5
10	*		Հանս Քրիստիան Անդերսեն «Հեքիաթներ»	Կռունկ	4