Սոչի 2014. Մառախուղը խառնում է Օլիմպիական Սոչիի «պլանները». հետաձգվել է նաև սնուբորդ-կրոսի մրցաշարը
1 րոպեի ընթերցում
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Սոչիի Ձմեռային 22-րդ Օլիմպիական խաղերի բիաթլոնի տղամարդկանց մրցավազքը տեղափոխվել է երեքշաբթի:
Սոչին պատած մառախուղի պատճառով այդ մրցումներն արդեն երկրորդ անգամ տեղափոխվում են: Տղամարդկանց բիաթլոնի մրցումների զանգվածային մեկնարկը տեղափոխվել է երեքշաբթի օրը: Նախնական տվյալների համաձայն` մրցավազքը պետք է կայանար փետրվարի 17-ին, Մոսկվայի ժամանակով 19.00-ին: Սակայն եղանակային պայմանների պատճառով բիաթլոնի այդ մրցումները տեղափոխվել են երեքշաբթի ժամը 15.30-ին:
«Արմենպրես»-ի հաղորդմամբ` ինչպես տեղեկացնում է ԻՏԱՌ-ՏԱՍՍ-ը, բացի բիաթլոնից, մառախուղի պատճառով հետաձգվել է նաև սնոուբորդ-կրոսի մրցաշարը: