368.45
Ատրպատականի Հայոց թեմն Իսլամական հեղափոխության հաղթանակի 35-ամյակին նվիրված միջոցառում է անցկացրել
2 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ։ Իսլամական հեղափոխության հաղթանակի 35-ամյակը նշվել է Թավրիզի ազգային դպրոցում։ Ատրպատականի Հայոց թեմը կազմեկերպել է տոնական միջոցառում՝ դպրոցի աշակերտների մասնակցությամբ։ Ինչպես «Արմենպրես»-ին տեղեկացրին Ատրպատականի Հայոց թեմիԱզգային առաջնորդարանից, օրվա խորհրդանշական թվով պայմանավորված՝ օդ են բաց թողնվել 35 փուչիկներ։
Ուսուցչական կազմը և ծնողական խորհուրդը հանդես են եկել շնորհավորական ուղերձով, իսկ աշակերտները հյուրերին ողջունել են ասմունքով և թատերական կարճ ներկայացումներով։ Ելույթ է ունեցել նաև դպրոցի երգչախումբը։
Աշխարհի 60 երկրներում գտնվող Իրանի 78 մշակութային ներկայացուցչություններում գեղարվեսատական և մշակութային միջոցառումներով սկսվել են Իսլամական հեղափոխության հաղթանակի 35-րդ տարեդարձին նվիրված տոնակատարությունները:
Արտերկրում իրանցիների և իսլամական հեղափոխության համակիրների մասնակցությամբ կայանալու են մասնագիտական նիստեր՝ «Իսլամական հեղափոխության ձեռքբերումները» և «Այսօրվա Իրանի զարգացումները» թեմաներով: Կայանալու են նաև իրանական ֆիլմի շաբաթներ: Իսլամական հեղափոխության հաղթանակի տարեդարձին նվիրված միջոցառումների առավել շքեղ կազմակերպման համար Իրանի մշակույթի և իսլամական կապերի կազմակերպության կողմից տարբեր երկրներ են գործուղվել արվեստի տարբեր բնագավառների ավելի քան 170 ներկայացուցիչներ:
Բաժանորդագրվեք մեր ալիքին Telegram-ում