1 րոպեի ընթերցում
ԵՐԵՎԱՆ,1 ՓԵՏՐՎԱՐԻ, ԱՐՄԵՆՊՐԵՍ: Միջազգային օլիմպիական կոմիտեի նախագահ Թոմաս Բախը, ով մեկ օր առաջ ժամանել Է Սոչի, բարձր Է գնահատել Սոչիի պատրաստվածությունը փետրվարի 7-23-ն այստեղ կայանալիք ձմեռային խաղերին:
Ինչպես տեղեկացնում Է «Արմենպրես»-ը` վկայակոչելով «Ռոսիյա-24» հեռուստաալիքը, Բախը նշել Է, որ բնակվելու Է օլիմպիական ավաններից մեկում եւ արդեն համոզվել Է, որ դրանք շատ հարմար են մարզիկների համար, իսկական արվեստի գործեր են եւ շատ մոտ են գտնվում մրցումների վայրին:
Բախը, ով 1976 թվականի Մոնրեալի օլիմպիադայի սուսերամարտի չեմպիոն Է, Ռուսաստանի եւ ամբողջ աշխարհի մարզասերներին կոչ Է արել հաճույք ստանալ օլիմպիական մրցումներից եւ բարձր գնահատել օլիմպիական արժեքները: