Մանկական բեսթսելեր 28. «Իմ առաջին գիրքը» փոքրիկ հանրագիտարանները ամենապահանջվածն են

ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծը շարունակում է ներկայացնել երևանյան գրախանութներում ամենաշատ վաճառված գրքերի ցանկը: Նախորդ շաբաթվա ընթացքում ամենաշատը վաճառվել են «ՎէՄ» հրատարակչության «Իմ առաջին գիրքը» խորագիրը կրող հանրագիտարանները: Շարքի տարբեր հատորները երեխաներին ծանոթացնում են ընտանի ու վայրի կենդանիների, թվերի ու տառերի, մրգերի ու բանջարեղենների, մարմնի մասերի և այլ պատկերների հետ: Մատենաշարն արդեն մի քանի շաբաթ պարբերաբար ընդգրկված է վարկանիշային աղյուսակում: Հրատարակության նպատակներից է նաև վերականգնել հայոց լեզվի մաքրությունը և լայն շրջանառության մեջ դնել առօրյայում գործածվող բազմաթիվ բառերի հայերեն համարժեքները: Հայերեն լույս է տեսել «Իմ առաջին գիրքը» մատենաշարի 10 անուն գիրք: Ամենաշատը վաճառված գրքերից են «Բառեր», «Գույներ», «Թվեր» մասերը:

Երկրորդ հորիզոնականն է զբաղեցնում բոլոր ժամանակների ամենապահանջված ժողովածուն`Հովհաննես Թումանյանի «Հեքիաթները»:Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի տարբեր լեզուներով, մշտապես հետաքրքրել են ընթերցողներին: Դրանք պահանջված են միշտ և բոլոր սերունդներիկողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:

«Բուկինիստ» հրատարակչության«Մաշան և արջը. առաջին հանդիպումը» հեքիաթը երրորդ հորիզոնականում է: Վերջին շրջանում «Մաշան և արջը» մուլտֆիլմի նկատմամբ հետաքրքրությունն ավելի է մեծացել, քանի որ հայտնվել է Մաշայի երկվորյակ քույրը`նույնքան չարաճճի և կամակոր Դաշան: Այդ հանգամանքը սրել է հետաքրքրությունը նաև հեքիաթի նկատմամբ, քանի որ դիտելով մուլտֆիլմը` երեխաներն ու նրանց ծնողները ակամայից գնում են գիրքը` չնայած այն գրված է դեռևս միայն առաջին սերիայի հիման վրա:

Չորրորդ տեղում«Երեքխոզուկներ.գունավորիրջրով»մանկական հեքիաթն է: Գիրքը փոքրիկներին հնարավորություն է տալիս ոչ միայն ծանոթանալ երեք խոզուկների արկածներին, այլև գունավորել գիրքը` կիրառելով իրենց նկարչական հմտությունները:

ՋաննիՌոդարիի«Չիպոլինոյիարկածները»գիրքը վարկանիշային աղյուսակի հինգերորդ հորիզոնականում է:Այս գրողի ստեղծագործությունը մրգերով և բանջարեղեններով մարմնավորված կերպարների զվարթ աշխարհ է. անգամ գործող անձանց անունները (Չիպոլինո՝ Սոխուկ, սինյոր Պոմիդորո, իշխան Լիմոնե) խոսում են նրանց առանձնահատուկ բնավորության ու պահվածքի մասին: Իրական ու երևակայական աշխարհները մեկտեղվում են, արդյունքում ծնվում է բացառիկ նուրբ ու դիպուկ հումոր, որը, սակայն, հեղինակին չի խանգարում անդրադառնալ ամենալուրջ թեմաներին, օրինակ՝ յուրայինների և օտարների միջև եղած հնարավոր համերաշխության խնդրին:

Այս գրքին հաջորդում է GSM հրատարակչության«Այբուբեն սպունգանման»գիրքը,որը ներառում է հայերենի 39 տառերը փոքրիկներին սովորեցնելու հետաքրքիր տարբերակներ:

Վարկանիշային աղյուսակի յոթերորդ հորիզոնականում կրկինՀովհաննեսԹումանյանիհեքիաթներն են` այս անգամ «ՄՀՄ գրատան» հրատարակած«Հեքիաթներիմոլորակ»ժողովածուն:

Աղյուսակում տեղ է գտել նաևՂազարոսԱղայանի«Հեքիաթներ» ժողովածուն: Դասականի հեքիաթները ևս թարգմանվել են աշխարհի տարբեր լեզուներով և սիրված գործեր դարձել շատ երկրներում:

Իններորդ հորիզոնականում է ՀանսՔրիստիանԱնդերսենի«Հեքիաթները»: Անդերսենյան հեքիաթներըքաջ հայտնի են բոլոր փոքրիկներին ոչ միայն գրքերի, այլ նաև մուլտֆիլմերի ու ֆիլմերի տեսքով, քանի որ դրանց զգալի մասն էկրանավորվել է:

Բեսթսելերի ցանկը եզրափակում է համաշխարհային համբավ ունեցող գերմանացի հեքիաթագիրներԳրիմԵղբայրների «Հեքիաթները»: Նրանցից շատերն էկրանավորվել են: Գրիմ Եղբայրների հեքիաթներում պատժվում են ծուլությունն ու անբանությունը, խրախուսվում աշխատասիրությունն ու ջանասիրությունը:Դրանց մեծ մասը գրված է իրական պատմությունների հիման վրա:

Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը:

Տեղ	Փոփ.	Գիրք		Հրատ.	Քանա
1	*		Իմ առաջին գիրքը	ՎԵՄ	68
2	-1		Հովհաննես Թումանյան «Հեքիաթներ»	Արևիկ	15
3	*		«Մաշան և արջը. առաջին հանդիպումը»	«Բուկինիստ»	13
4	-1		«Երեք խոզուկներ. գունավորիր ջրով»	GSM	10
5	0		Ջաննի Ռոդարի «Չիպոլինոյի արկածները»	Զանգակ	9
6	-2		«Այբուբեն սպունգանման»	GSM	7
7	-1		Հովհաննես Թումանյան «Հեքիաթների մոլորակ»	ՄՀՄ	6
8	-1		Ղազարոս Աղայան «Հեքիաթներ»	Արևիկ	5
9	-1		Հանս Քրիստիան Անդերսեն «Հեքիաթներ»	Արևիկ	5
10	*		Գրիմ Եղբայրներ «Հեքիաթներ»	Արևիկ	5

Աստղանիշով նշված գրքերը ցանկ վերադարձածներն են:

«Երևանյանբեսթսելերը»ներկայացրեցՌոզաԳրիգորյանը