«Արմենիկում» դեղամիջոցն արգելված չէ ոչ մի երկրում. դրա գրանցմամբ հետաքրքրված են Վրաստանը և Ղրղըզստանը

2 րոպեի ընթերցում

ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: «Արմենիկումը»-ը շարունակում է կիրառվել իմունային վարակների ախտահարումների և ՄԻԱՎ վարակի դեպքում: Պատասխանելով լրագրողների հարցին` նոյեմբերի 29-ին հրավիրված ասուլիսում այս մասին հայտնեց ՀՀ ԱՆ ՁԻԱՀ-ի կանխարգելման հանրապետական կենտրոնի տնօրեն Սամվել Գրիգորյանը: Նրա խոսքով, «Արմենիկում»-ը արգելված չէ ոչ մի երկրում, և նման լուրերը իրականությանը չեն համապատասխանում: «Այն մինչև օրս շարունակում է կիրառվել բազմաթիվ վարակիչ հիվանդությունների բուժման նպատակով»,- տեղեկացրեց Գրիգորյանը: «Արմենպրես»-ի փոխանցմամբ, նա նշեց, որ «Արմենիկում»-ը գրանցվել է Հայաստանում 1999 թվականին, որից հետո անցկացվել են անհրաժեշտ նախակլինիկական և կլինիկական փորձարկումներ Հայաստանում և Սանկտ Պետերբուրգում:

Դեղամիջոցը գրանցված է Ռուսաստանում, Ուկրաինայում, Լիբերիայում, Կոնգոյում: «Այժմ դեղի գրանցման համար աշխատանքներ են տարվում Վրաստանում և Ղրղըզստանում։ Դեղի կիրառման ողջ ժամանակաշրջանում չի գրանցվել մահվան ելքով ոչ մի դեպք, և որևէ երկրում արգելքներ գոյություն չունեն»,- ընդգծեց փորձագետը:

Նրա գնահատմամբ, քանի որ ՁԻԱՀ-ի արմատական բուժում գոյություն չունի, «Արմենիկում»-ն ուղղված է հիվանդի կյանքի երկարացմանը, կյանքի որակի լավացմանը, երկրորդային հիվանդությունների առաջացման նվազեցմանը:

Նա նշեց, որ եթե իմունային համակարգի բջիջների քանակը պակաս է 350-ից եւ եթե տվյալ հիվանդի մոտ կան ՁԻԱՀ ինդիկատորային հիվանդություններ, նրան նշանակվում է հակառետրովիրուսային բուժում, իսկ եթե իմունային համակարգի բջիջների քանակը 350-ից բարձր է, ապա նման դեպքում նա կարող է իր ցանկությամբ ընտրել «Արմենիկում»-ի միջոցով բուժում ստանալու հնարավորությունը:

«Արմենիկում»-ը` կաթիլաներարկման լուծույթի խտանյութ է, որը կարող է դրական ազդեցություն ունենալ գրիպի տարատեսակների, այլ հիվանդությունների ժամանակ:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն