«Մանկական բեսթսելեր» 17. վաճառքում է «Մաշան ու արջը. թռչող ցախավելը» նորույթը

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Նախադպրոցական և դպրոցական տարիքի երեխաների համար գրված մանկական ստեղծագործությունները հեշտությամբ գտնում են իրենց ընթերցողին ոչ միայն հետաքրքիր բովանդակությամբ, այլև պատկերազարդ ու գունավոր կազմով: Երևանում հրատարակչական ընկերություններն իրենց աշխատանքը նպատակին հասցնելու համար ջանք չեն խնայում որակյալ ու նկարազարդ գրքեր հրատարակելու հարցում: «Արմենպրես» լրատվական գործակալության «Մանկական բեսթսելեր» հեղինակային նախագիծը շարունակում է հավաքել և մեկ աղյուսակով ներկայացնել այն գրքերի ցանկը, որոնք ամենաշատն են վաճառվել մայրաքաղաքում:

Հոկտեմբերի վերջին շաբաթվա ընթացքում ամենապահանջվածը եղել է «Մաշան ու արջը. թռչող ցախավելը» գիրքը: Այն նոր է և գործակալության վարկանիշային աղյուսակում ընդգրկվել է առաջին անգամ: Մանկականգիրքը պատմում էՄաշայի արկածներիևկախարդականցախավելիմասին: Հեքիաթը գրվել է բոլորիս քաջ հայտնի «Մաշան և արջը» մուլտֆիլմի հիման վրա: Այնտեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար. այն նաև հրաշալի փոխադրամիջոց է:

Երկրորդ հորիզոնականում կրկին «Բուկինիստ» հրատարակչության «Մաշան և արջը» հեքիաթն է: Վերջին շրջանում «Մաշան և արջը» մուլտֆիլմի նկատմամբ հետաքրքրությունն ավելի է մեծացել, քանի որ հայտնվել է Մաշայի երկվորյակ քույրը`նույնքան չարաճճի և կամակոր Դաշան: Այդ հանգամանքը սրել է հետաքրքրությունը նաև հեքիաթի նկատմամբ, քանի որ, դիտելով մուլտֆիլմը, երեխաներն ու նրանց ծնողները ակամայից գնում են գիրքը` չնայած նրան, որ այն գրված է դեռևս միայն առաջին սերիայի («Մաշայի և արջի հանդիպման») հիման վրա:

ՀովհաննեսԹումանյանի«Հեքիաթներն»այս շաբաթ երրորդ հորիզոնականում է: Թումանյանի ստեղծագործությունները և, մասնավորապես, հեքիաթները, որոնք թարգմանվել են աշխարհի տարբեր լեզուներով և սիրվել տարբեր ժողովուրդների կողմից, մշտապես հետաքրքրել են ընթերցողներին: Դրանք պահանջված են բոլոր ժամանակներում և բոլոր սերունդների կողմից, և հաճույքով են ընթերցում նաև մեծահասակները: Դրանց հիմքում ընկած են ժողովրդական թեմաներն ու պատումները:

Սրան հաջորդում է ՀանսՔրիստիանԱնդերսենի«Հեքիաթները»: Դանիացի գրողի հեքիաթների զգալի մասն էկրանավորվել է ու հայտնի է փոքրիկներին:

Վարկանիշային աղյուսակի հինգերորդ հորիզոնականում շվեդ գրողԱստրիդ Լինդգրենի«Երկարագուլպա Պեպին»հեքիաթն է: Այն տպագրության օրվանից արժանացել է տարբեր մրցանակների: Գիրքը, որը հեղինակը նվիրել է իր փոքրիկ աղջկան, պատմում է կարմրամազ չարաճճի աղջկա արկածների մասին:

«Մանկական բեսթսելեր» հեղինակային նախագծում հայտնված երկրորդ նոր ստեղծագործությունը Հանս Քրիստիան Անդերսենի «Մատնաչափիկը» հեքիաթն է, որը զբաղեցրել է վեցերորդ հորիզոնականը: Այն ծաղկից դուրս եկող փոքրիկ աղջնակի` Մատնաչափիկի մասին է:

Յոթերորդ հորիզոնականում «3 խոզուկներ + 6 խճանկար» հեքիաթն է, որը պարբերաբար ընդգրկվում է գործակալության վարկանիշային աղյուսակում:

Սրան հաջորդում է «Երեք արջերը» ռուսական ժողովրդական հեքիաթը:

«Իմառաջինգիրքը»մանկական փոքրիկ հանրագիտարանն այս շաբաթ իններորդ հորիզոնականում է: Գիրքն իր բազմաթիվ ընթերցողներին գրավել է բազմազանությամբ. այն ունի տարբեր հատորներ, որոնք երեխաներին ծանոթացնում են ընտանի ու վայրի կենդանիների, թվերի ու տառերի, մրգերի ու բանջարեղենի, մարմնի մասերի և այլ պատկերների հետ: Ուսումնական տարվա մեկնարկի բերումովփոքրիկները հետաքրքրված են եղել տառերով ու թվերով: Սակայն վերջին երկու շաբաթում նրանց առավել հետաքրքրում են մրգերն ու բանջարեղենը:

«Մանկական բեսթսելեր» հեղինակային նախագծի աղյուսակն այս շաբաթ եզրափակում է ՂազարոսԱղայանի«Հեքիաթները»: Այս ստեղծագործությունները նույնպես թարգմանվել են աշխարհի տարբեր լեզուներով և շատ երկրներում դարձել սիրված գործեր:

Վարկանիշային ցուցակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» («Մեկ պրինտ») (58-30-59), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական բնույթի գրքերն ու դասագրքերը: