«Մանկական բեսթսելլեր» 5. Հանգստի սեզոնով պայմանավորված նվազել է գրքի վաճառքը

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Հուլիսի նախավերջին շաբաթվա ընթացքում երևանյան գրախանութներում մանկական գրականության վաճառքը զգալի նվազել է: Դա պայմանավորված է այն հանգամանքով, որ քաղաքի բնակչության մի մասը մեկնել է հանգստի:

«Արմենպրես»լրատվական գործակալության «Մանկական բեսթսելլեր»-ը ներկայացնում է այս շաբաթվա ընթացքում վաճառված մանկական ստեղծագործությունների ցանկը, որը գլխավորում է «Բուկինիստ» հրատարակչության«Մաշանևարջը»հեքիաթը: Գիրքը տպագրության առաջին իսկ օրվանից ընդգրկված է եղել վարկանիշային աղյուսակում` զբաղեցնելով բարձր հորիզոնականներ: Մեծաթիվ վաճառքին խթանում է ոչ միայն հետաքրքիր սյուժեն, այլ նաև գրքի մատչելի գինն ու արդիական լինելը: «Մաշան և արջը» հեքիաթը ռուսական ժողովրդական հեքիաթի ժամանակակից տարբերակն է: Մուլտսերիալը, որը շատ կարճ ժամանակահատվածում դարձել է փոքրիկների ամենասիրելի մուլտֆիլմը, ապահովել է նաև հեքիաթի հաջողությունն ու գրքի մեծաթիվ վաճառքը:

Երկրորդ հորիզոնականումՍմբատԳյուրջյանի«Իմառաջինայբուբենը» գիրքն է, որն արդեն չորրորդ շաբաթն է ընդգրկված ցանկում: Սրան հաջորդում են հայ մեծանուն գրող, բանաստեղծ ու մանկագիրՀովհաննեսԹումանյանի«Արևիկ»հրատարակչությանտպագրած«Հեքիաթներ»ը:

Թումանյանն իր առաջին պոեմը գրել է 12 տարեկան հասակում, երբ սովորում էր Ջալալօղլու դպրոցում: Գրել է նաև քառյակներ, բալլադներ, պատմվածքներ ու հեքիաթներ, ակնարկներ, քննադատական ու հրապարակախոսական հոդվածներ: Թումանյանը լայն ճանաչում է ձեռք բերել «Բանաստեղծություններ» հավաքածուի լույս տեսնելուց հետո։Հովհաննես Թումանյանն իր ստեղծագործություններով հեղաշրջում է կատարել հայ բազմադարյան գրականության մեջ: Նրա լեզուն և մտածողությունը պարզ են, ժողովրդական: Նա խորությամբ է արտացոլել հայ ժողովրդի հոգեբանությունը, մտքերն ու ձգտումները: Թումանյանն իր քնարերգության մեջ արծարծել է հայրենասիրական, սոցիալական, քաղաքական, փիլիսոփայական, սիրային թեմաներ:

«Արևիկ» հրատարակչության«Իմառաջինգիրքը»մանկական փոքրիկ հանրագիտարանը, որի տարբեր հատորները երեխաներին ծանոթացնում են ընտանի ու վայրի կենդանիների, թվերի ու տառերի, մրգերի ու բանջարեղենների, մարմնի մասերի և այլ պատկերների հետ, այս շաբաթ զբաղեցրել է չորրորդ հորիզոնականը:

Հինգերորդ հորիզոնականումՂազարոս Աղայանի` H&H հրատարակչության «Հեքիաթներ»-ն են:Նրա հեքիաթները թարգմանվել են աշխարհի տարբեր լեզուներով և դարձել են համաշխարհային ստեղծագործության նմուշներ:

ԴանիացիՀանսՔրիստիանԱնդերսենի«Հեքիաթներ»-ը, որոնց զգալի մասն էկրանավորվել են ու հայտնի են փոքրիկներին, «Մանկական բեսթսելլեր»-ի վեցերորդ հորիզոնականում են: Սրանց հաջորդում է «Կռունկ» հրատարակչության«Ուրախ ժամանաց. խաղեր, խնդիրներ, գլուխկոտրուկներ» մանկական ուսուցողական գիրքը:Այն առաջին անգամ է ընդգրկվել վարկանիշային աղյուսակոմ:Ութերորդ հորիզոնականումԼևոնԱնանյանի «Մայրենիլեզվիդասը»հեքիաթ-պատմվածքնէ:Այն յոթ շաբաթ անընդմեջ ընդգրկված է եղել վարկանիշային աղյուսակում և պատմում է մի բադիկի մասին, թե ինչպես ծնողները որոշում են նրան կրթության տալ շների ավելի հեղինակավորդպրոցում, անտեսելով, որ ճուտիկի մայրենին բադերենն է: Հեքիաթ-պատմվածքը դաստիարակչական նշանակություն ունի ու արդիական է նաև այսօր: Դա է պատճառը, որ հեղինակը որոշել է տպագրել 45 տարի առաջ գրված պատմվածքը: Գրքում կարևորվում է այն գաղափարը, որ առաջնայինը մայրենի լեզվի պահպանման հարցն է, որի մասին մի պահ չի մտածել բադիկի ընտանիքը, իսկ մայրենիի կորուստը բերում է ցեղի կորստին:

ՋիԷսԷմ ստուդիայի «Մաշան ու արջը + վեց խճանկար» գիրքը, որը նույնպես առաջին անգամն է «Մանկական բեսթսելլեր»-ի ցանկում, իններոդ հորիզոնականում է: Վարկանիշային աղյուսակը եզրափակում էԼուիսՔերոլի«Ալիսը հրաշքների աշխարհում»դասական մանկական վեպը: Այն առաին անգամ տպագրվել է 1865թ-ի հուլիսի 4-ին՝Լիդել քույրերին՝ Ինային, Ալիսին և Էդիթին, պատմելուցերեք տարի անց՝ Ալիսի խնդրանքով:

Հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական ու ուսումնական բնույթի գրքերն ու դասագրքերը:

Տեղ	Փոփ.	Գիրք		Հրատ.	Քանակ
1	+7		«Մաշան և արջը»	Բուկինիստ	30
2	+4		Սմբատ Գյուրջյան «Իմ առաջին այբուբերը»	ՋիԷսԷմ	29
3	+2		Հովհաննես Թումանյան «Հեքիաթներ»	Արևիկ	26
4	*		«Իմ առաջին գիրքը»	Արևիկ	24
5	*		Ղազարոս Աղայան «Հեքիաթներ»	H&H	20
6	*		Հանս Քրիստիան Անդերսեն «Հեքիաթներ»	H&H	18
7	Նոր		«Ուրախ ժամանաց. խաղեր, խնդիրներ, գլուխկոտրուկներ»	Կռունկ	16
8	-1		Լևոն Անանյան «Մայրենի լեզվի դասը»	Էդիթ պրինտ	15
9	Նոր		«Մաշան ու արջը + վեց խճանկար»	ՋիԷսԷմ	14
10	*		«Ալիսը հրաշքների աշխարհում»	Զանգակ	5

Աստղանիշով նշված գրքերը ցանկ վերադարձածներն են:

«Մանկական բեսթսելլերը» պատրաստեց Ռուզաննա Մովսիսյանը