Երևանյան բեսթսելլեր 15. «Մաշան և արջը», Ատոնիսի բանաստեղծություններն ու Այլիսլիի «Քարե երազները» առաջատար եռյակում են

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: «Արմենպրես» լրատվական գործակալության «Երևանյան բեսթսելլեր» հեղինակային նախագծի վարկանիշային աղյուսակը շարունակում է գլխավորել «Մաշան և արջը» մուլտֆիմի սյուժեի հայերեն թարգմանական-գրական գործը: Երկրորդ հորիզոնականում լիբանանցի գրող Ատոնիսի «Դամասկոսցի միհիարին երգերը» բանաստեղծությունների ժողովածուն է: Վերջին շրջանում մեծ աղմուկ բարձրացրած ադրբեջանցի գրող Աքրամ Այլիսլիի «Քարե երազներ» վեպ-ռեքվիեմի հայերեն թարգմանության «Գրաբեր» հրատարակչության հրատարակած տարբերակը զբաղեցնում է երրորդ հորիզոնականը: Հաջորդում է նույն աշխատության` «Էդիտ պրինտ»-ի հրատարակած «Քարակերտ երազներ» թարգմանությունը:

Վարկանիշային աղյուսակի հինգերորդ հորիզոնականում ժամանակակից գրող Վահագն Մուղնեցյանի «Զոհանվեր» գիրքն է: Վեցերորդ հորիզոնականը զբաղեցնում է կրկին Աքրամ Այլիսլիի` «Նորք» հրատարակչության հրատարակած «Քարե երազներ» վեպը: «Արմենպրես» լրատվական գործակալության ամենաշատ գնված գրքերի վարկանիշային աղյուսակի յոթերորդ հորիզոնականում ժամանակակից գրող Աշոտ Աղաբաբյանի «Մենակը» վեպն է, որը պարբերաբար ներառված է եղել ցանկում: Իտալացի գրող Կլաուդիո Պոցանիի «Ստվերի քայլերգը» գիրքը, որն առաջին անգամ է ներառվել վարկանիշային աղյուսակում, զբաղեցնում է ութերորդ հորիզոնականը, որին հաջորդում է ժամանակակից գրող Արմեն Օհանյանի «Կիկոսի վերադարձը»: Ամենաշատ գնված գրքերի ցանկն այս անգամ եզրափակում է Գրիգոր Նարեկացու «Մատյան ողբերգության» պոեմը:

«Երևանյան բեսթսելլեր» նախագիծը, որը հետաքրքրություն է առաջացրել գրողների, հրատարակչությունների և ընթերցողների շրջանում, շարունակում է հրապարակվել «Գրական թերթ» շաբաթաթերթում: Ամենաշատ գնված հայերեն գեղարվեստական գրքերի ցանկը պատրաստվել է երևանյան յոթ գրախանութների հետ համագործակցության արդյունքում: Հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական ու ուսումնական բնույթի գրքերն ու դասագրքերը: «Արմենպրես»-ն ընդլայնելու է հարցումների ցանցը` ներառելով նոր գրախանութներ, տվյալներն առավել համակողմանի ու հետաքրքական դարձնելու նպատակով:

Տեղ	Փոփ.	Գիրք		Հրատ.	Քանակ
1	+3		«Մաշան և արջը»	Բուկինիստ	52
2	նոր		Ատոնիս «Դամասկոսցի միհիարին երգերը»	Ապոլոն	50
3	-2		ԱքրամԱյլիսլի «Քարեերազներ»	Գրաբեր	30
4	-4		ԱքրամԱյլիսլի «Քարակերտերազներ»	Էդիտպրինտ	22
5	նոր		ՎահագնՄուղնեցյան «Զոհանվեր»	ՈսկանԵրևանցի	21
6	-6		ԱքրամԱյլիսլի«Քարեերազներ»	Նորք	19
7	+3		ԱշոտԱղաբաբյան «Մենակը»	Լուսակն	15
8	նոր		ԿլաուդիոՊոցցանի «Ստվերի քայլերթը»	Զանգակ	11
9	-1		ԱրմենՕհանյան «Կիկոսիվերադարձը»	Անտարես	10
10	-4		ԳրիգորՆարեկացի «Մատյանողբերգության»	Նաիրի	9