368.45
Քուվեյթը սիրիահայերին հարյուր հազար դոլարի օգնություն է տրամադրում
2 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Քուվեյթի Պետության անունից Հայաստանում Քուվեյթի արտակարգ եւ լիազոր դեսպան Բասամ Մուհամմադ ալ-Քաբանդիին հարյուր հազար դոլարի օգնության հավաստագիր հանձնեց «Սիրիահայերի հիմնախնդիրները համակարգող կենտրոն» հասարակական կազմակերպությանը:
«Արմենպրես»-ի հաղորդմամբ՝ նշված գումարի սահմաններում հազար սիրիահայ ընտանիքների կբաշխվեն կտրոններ, որոնցով նրանք քսան հազար դրամի շրջանակներում պարենային ապրանքներ ձեռք բերելու հնարավորություն կունենան:
«Ուզում եմ խորին շնորհակալություն հայտնել Քուվեյթի Պետությանն այս բարեգործության համար: Մենք որոշեցինք, որ այդ օգնությունը կլինի կտրոնների տեսքով, որոնց միջոցով մեր հայրենակիցները կարող են իրենց ցանկացած սնունդը գնել Երևան Սիթի խանութների ցանցից՝ բացառությամբ ծխախոտ և ալկոհոլ»,- ասաց ՀՀ սփյուռքի նախարար Հրանուշ Հակոբյանը:
Հրանուշ Հակոբյանը հույս հայտնեց, որ Քուվեյթի Պետության հետ համագործակցության շնորհիվ նմանատիպ նորանոր ծրագրեր կիրականացվեն:
«Թող նոր տարին Սիրիայում խաղաղություն բերի, արյունահեղությունը դադարի, այլևս մարդիկ անիմաստ չզոհվեն, հայակական համայնքը կորուստներ չկրի և ով ցանկություն ունի վերադառանալու՝ թող վերադառնա, ով ցանկություն ունի մնալու՝ բարով մնա»,- իր մաղթանքներն ուղեց սփյուռքի նախարարը:
Հայաստանում Քուվեյթի դեսպանԲասամ Մուհամմադ ալ-Քաբանդիիխոսքով՝ Հայաստան-Քուվեյթ հարաբերությունները դինամիկ զարգանում են և առաջիկայում ևս նոր համատեղ ծրագրեր կիրականացվեն:
«Կան շատ ծրագրեր, որոնք հետագայում ևս պետք է կյանքի կոչվեն: Տոներից հետո մենք նախատեսում ենք այցելել Կիլիկյան վարժարանի սիրիահայ երեխաներին»,- տեղեկացրեց Քուվեյթի դեսպանը:
Բաժանորդագրվեք մեր ալիքին Telegram-ում