2 րոպեի ընթերցում
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ:Հունգարայի հյուպատոսության առջեւ«Հայազն» եւ ՍԴՀԿ «Սարգիս Տխրունի» ուսանողական միություններիակտիվիստներըգետնին գցեցին Հունգարիայի դրոշը, վրան կոպեկներ շպրտեցին՝ ի նշան այն բանի, որ Հունգարիան ծախվել է Ադրբեջանին։ Դրոշն այրելուց հետո մասնակիցները երգեցին հայրենասիրական երգեր եւ միահամուռ գոչեցին «Ամոթ», «Մահ ոսոխին»։
Ինչպես հաղորդում է «Արմենպրես»-ը` «Ամոթ», «Մահ ոսոխին», «Հունգարիան ծախված երկիր է» կարգախոսներով նրանք բողոքի երթ անցկացրին ՀՀ ԱԳՆ-ի եւ Հունգարիայի հյուպատոսության առջեւ:
ԱԳՆ-ի շենքի առջև հավաքվածների թվում էին նաև Հունգարիայից Հայաստան ժամանած մի շարք ներկայացուցիչներ, որոնց թվում նաև հայտնի հայագետ Ժիգմունդ Բենեդեկը։
«Ես ներողություն եմ խնդրում իմ անունից ամբողջ հայ ժողովրդից, ինչպես նաև Գուրգեն Մարգարյանի ընտանիքից։ Հունգարիայի կառավարության այդ քայլը գնահատում եմ անբարոյական՝ ընդդեմ դարավոր դաշնակից հայ ժողովրդի։ Գուրգեն Մարգարյանը մահացել էր էթնիկ պատկանելության դեմ իրականացված հանցագործողության հետևանքով, ու նրան դաժանաբար սպանողը դատապարտվել էր ազատազրկման։ Սաֆարովին արտահանձնելն Ադրբեջանին հունգարական դիվանագիտութան մեծագույն սխալն է. ես կլինեմ Հայաստանի կարծիքի դեսպանը Հունգարիայում»,- նշեց հունգարացի հայագետը՝ խնդրելով համեմատության եզրեր չանցկացնել հունգար ժողովրդի և իշխանության միջև։
«Հունգար ժողովուրդն ամբողջությամբ կանգնած է հայերի ու Հայաստանի կողքին»,- եզրափակեց նա։
