Դամասկոսի հակամարտության տարածքից դուրս են բերվել սպանված Մաթոսյանների դիերը

ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Կարմիր մահիկի ջանքերով հաջողվել է հակամարտության տարածքից դուրս բերել օրեր առաջ սպանված Մաթոսյանների դիակները: Ինչպես «Արմենպրես»-ին տեղեկացրին Դամասկոսի Հայոց առաջնորդարանից, Մաթոսյանների դիերը դուրս բերել հաջողվել է երկու ժամ առաջ:

Դամասկոսի Ջոբար թաղամասում անհայտ պայմաններում օգոստոսի 28-ին սպանվել էին 1963թ. ծնված Պետրոս Մաթոսյանը, 1966թ. ծնված Գեւորգ Մաթոսյանը եւ 22-ամյա Լեւոն Պետրոսի Մաթոսյանը: