1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: ՀՀ Պաշտպանության նախարարությունը , Հայոց Բանակի 20-ամյա հոբելյանի կապակցությամբ, փետրվարի 9-ին ՀՀ բանակի հուշամեդալով պարգեւատրեց ազգությամբ եզդի 10 ազատամարտիկների:
«Արմենպրես»-ի հաղորդմամբ, Հայաստանի եզդիների միության նախագահ Ազիզ Թամոյանն ասաց, որ եզդիները ղարաբաղյան պատերազմում հերոսաբար մասնակցել են` ունենալով 30-ից ավելի զոհ:
«Մեր բանակը իր էությամբ եւ պատրաստակամությամբ բարձր հիմքերի վրա է դրված: Մեր բանակը հաղթող բանակ է», նշեց նա:
Թամոյանն իր երախտիքի խոսքը հայտնեց ՀՀ Պաշտպանության նախարարությանը, որը բազմաթիվ անգամներ իր հարգանքն է ցույց տվել եզդիներին: