Հ. Մելիք-Շահնազարյան. «Ադրբեջանում ազգային փոքրամասնությունները խնդիրների են բախվում»
2 րոպեի ընթերցում
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ադրբեջանը բարենպաստ պայմաններ չի ստեղծում իր երկրում բնակվող ազգային փոքրամասնությունների համար: Այսօր լրագրողների հետ հանդիպման ժամանակ նման դիտարկում արեց քաղաքագետ Հրանտ Մելիք-Շահնազարյանը' հավելելով, որ վերջիններս լուրջ խնդիրների են բախվում Ադրբեջանում: Նրա խոսքով' հայկական լրատվամիջոցները պետք է բարձրաձայնեն դրանց մասին' միջազգային հանրությանը ցույց տալով, որ Ադրբեջանն անհանդուրժողական վերաբերմունք է ցուցաբերում նրանց հանդեպ: Ըստ քաղաքագետի' Լեռնային Ղարաբաղի հակամարտության լուծման ճանապարհին պատերազմական գործողությունների վերսկսման պարագայում Ադրբեջանի ազգային փոքրամասնությունները կարող են որպես Հայաստանի դաշնակիցներ հանդես գալ: Հ. Մելիք-Շահնազարյանի խոսքով' Ադրբեջանի ազգային փոքրամասնություններն ունեն իրենց տեղեկատվական կայքերը, որոնց միջոցով բարձրաձայնում են իրենց հուզող խնդիրների մասին:
Տեղեկատվական անվտանգության մասնագետ Վահրամ Միրաքյանի կարծիքով' Ադրբեջանի' ազգային փոքրամասնությունների հանդեպ ունեցած վերաբերմունքն ազգայնական պետություն լինելու վկայությունն է: Ըստ նրա' Հայաստանը նույնպես պետք է նպաստի Ադրբեջանի ազգային փոքրամասնությունների խնդիրների բարձրաձայնմանը:
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ադրբեջանը բարենպաստ պայմաններ չի ստեղծում իր երկրում բնակվող ազգային փոքրամասնությունների համար: Այսօր լրագրողների հետ հանդիպման ժամանակ նման դիտարկում արեց քաղաքագետ Հրանտ Մելիք-Շահնազարյանը' հավելելով, որ վերջիններս լուրջ խնդիրների են բախվում Ադրբեջանում: