Ագարակում նախատեսվում է վերականգնել պարսկական մզկիթը

ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: ՀՀ մշակույթի եւ երիտասարդության հարցերի նախարար Գեւորգ Գեւորգյանն ու ԻԻՀ արտակարգ եւ լիազոր դեսպան Ալիզեռա Հաղիղյանն այսօր կայացած հանդիպման ժամանակ համաձայնության են եկել երկու երկրների միջեւ մշակութային ժառանգության պահպանման եւ զբոսաշրջության բնագավառում 2006-2009 թթ. համագործակցության մի շարք հարցերում: Ինչպես «Արմենպրեսե-ին հայտնեցին նախարարության մամուլի ծառայությունից, ՀՀ մշակույթի եւ երիտասարդության հարցերի փոխնախարար Գագիկ Գյուրջյանը ներկայացրել է Ագարակի տարածաշրջանում պարսկական մզկիթի վերականգման համար հետազոտական նախագծային աշխատանքների կազմակերպման խնդիրները: Նա նշել է, որ Իրանում Սբ Թադեի վանքի ծածկի եւ Սբ Ստեփանոս վանքային համալիրի զանգակատան վերականգնման նախագծերն արդեն ավարտին են հասցվել հայ վերականգնող ճարտապետների կողմից, իսկ բուն վերականգնողական աշխատանքներն ընդգրկված են իրանական պետական ծրագրերում: Գ.Գյուրջյանի եւ ԻԻՀ դեսպանի մշակութային կցորդ Ռեզա Աթուýիի միջեւ պայմանավորվածություն է ձեռք բերվել հետագայում առավել մանրամասն քննարկելու մշակութային ժառանգության վերականգնողական աշխատանքների վերաբերյալ անելիքները: