Հայաստանը և ֆրանսիական CEA-Leti-ն քննարկել են համագործակցությունը միկրոէլեկտրոնիկայի և կիսահաղորդիչների ոլորտներում

ՀՀ էկոնոմիկայի նախարարի տեղակալ Տիգրան Գասպարյանը սեպտեմբերի 7-ին ընդունել է Ֆրանսիայի գիտահետազոտական և տեխնոլոգիական CEA-Leti ինստիտուտի պատվիրակությանը։

Ինչպես «Արմենպրես»-ին տեղեկացրին ՀՀ էկոնոմիկայի նախարարությունից, հանդիպմանը մասնակցել են նաև Հայաստան-Ֆրանսիա առևտրաարդյունաբերական պալատի ներկայացուցիչները։

Կողմերը քննարկել են միկրոէլեկտրոնիկայի, կիսահաղորդիչների, ֆոտոնիկայի, թվային տեխնոլոգիաների, ինչպես նաև հետազոտությունների և մշակումների ոլորտներում համագործակցության հնարավորությունները։

Անդրադարձ է կատարվել Հայաստանի բուհերի ևFinder;]/error Հմուտ շրջանակներում CEA-Leti-ի հետ համատեղ ծրագրերի իրականացմանը։ Դիտարկվել են ուսանողների ու հետազոտողների համար պրակտիկայի և դոկտորական ծրագրերի, համատեղ հետազոտական նախագծերի և միջազգային ֆինանսավորման ծրագրերում համագործակցության հեռանկարները։

Գասպարյանը ներկայացրել է Հայաստանի տեխնոլոգիական էկոհամակարգը, գիտահետազոտական ու կրթական հաստատությունների կարողությունները և ոլորտի զարգացման պետական աջակցության գործիքները։

Հանդիպման ավարտին կողմերը պայմանավորվել են շարունակել քննարկումները և հստակեցնել համագործակցության հնարավոր ուղղությունները։