Նախարարի գլխավորությամբ քննարկվել է Կառավարության ծրագրի՝ ՆԳՆ և ենթակա ծառայություններին վերաբերող դրույթների կատարման ընթացքը
1 րոպեի ընթերցում
Հայաստանի ներքին գործերի նախարարությունում կայացել է աշխատանքային խորհրդակցություն, որը վարել է նախարար Արփինե Սարգսյանը։
«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ ներքին գործերի նախարարությունը։
Խորհրդակցությանը մասնակցել են նախարարի տեղակալները, ծառայությունների պետերը, նախարարության և ենթակա ծառայությունների ղեկավար կազմը։
Քննարկվել են ՀՀ կառավարության 2026-2031 թվականների ծրագրով ՆԳ նախարարությանն ու ենթակա ծառայություններին վերաբերող դրույթները։ Ներկայացվել են դրանց իրականացման ուղղությամբ ընթացող աշխատանքները, ինչպես և նախատեսվող ծրագրերն ու առաջնահերթությունները։
Արփինե Սարգսյանն ընդգծել է Կառավարության ծրագրով նախատեսված միջոցառումների լիարժեք և հետևողական իրականացման կարևորությունը՝ հանձնարարելով ապահովել յուրաքանչյուր ուղղությամբ սահմանված նպատակների պատշաճ և ժամանակին կատարումը։