1 րոպեի ընթերցում
Հայաստանի կրթության և գիտության նախկին նախարար Արմեն Աշոտյանի տնային կալանքը երկարաձգվել է 3 ամիս ժամկետով։
«Արմենպրես»-ի փոխանցմամբ՝ դատական նիստի ընթացքում մեղադրող կողմը միջնորդել էր երկարաձգել Արմեն Աշոտյանի նկատմամբ կիրառված տնային կալանք խափանման միջոցը։
Դատարանը բավարարել է մեղադրողի միջնորդությունը։
Միևնույն ժամանակ, դատարանը տեղեկացրել է, որ Արմեն Աշոտյանը կկարողանա հարցազրույցներ տալ և ուղիղ եթեր մտնել։
Քրեական վարույթը վերաբերում է պաշտոնեական լիազորությունների ենթադրյալ չարաշահման և փողերի լվացման դեպքերին։ Նախաքննական մարմնի վարկածով՝ քննության առարկան Վալերի Բրյուսովի անվան պետական համալսարանին պատկանած՝ Երևանի Պուշկինի փողոցում գտնվող անշարժ գույքը պետական սեփականության ֆոնդից դուրս բերելու և մասնավոր անձանց փոխանցելու հանգամանքներն են։