Նեպալում ջրհեղեղի զոհերի թիվը հասել է 579-ի

Նեպալի և Չինաստանի սահմանին տեղի ունեցած ջրհեղեղի հետևանքով զոհերի թիվը հասել է 579-ի։

«Արմենպրես»-ի հաղորդմամբ՝ այս մասին հայտնում է Չինաստանի կենտրոնական հեռուստատեսությունը (CCTV)՝ հղում անելով Նեպալի աղետների ռիսկի նվազեցման ազգային մարմնին։  

«Օգոստոսի 28-ի դրությամբ՝ Նեպալի հյուսիսում տեղի ունեցած ջրհեղեղների զոհերի թիվը հասել է 579-ի, իսկ անհետ կորածների թիվը՝ 1924-ի»,-նշել է հեռուստատեսությունը։

Տիբեթում հաստատվել է 5 հոգու մահը, անհետ կորած է 558 մարդ, այդ թվում՝ օտարերկրյա զբոսաշրջիկներ։