364.47
Նեպալը մի քանի միլիարդ դոլարի վնաս է կրել շուրջ 500 մարդու կյանք խլած ջրհեղեղի պատճառով
1 րոպեի ընթերցում
Նեպալի ֆինանսների նախարար Սվառնիմ Վագլեն հայտարարել է, որ հեղեղումներից վնասի գումարը կարող է կազմել առնվազն մի քանի միլիարդ դոլար։ «Արմենպրես»-ի փոխանցմամբ՝ այս մասին նա ասել է Bloomberg գործակալությանը տված հարցազրույցում։
«Ընդհանուր առմամբ, կարծում եմ, կորուստների ու վնասների ընդհանուր ծավալը, երբ դրանք վերջնականապես հաշվարկվեն մոտավորապես մեկ շաբաթից, կկազմեն առնվազն մի քանի միլիարդ դոլար», - ասել է նախարարը։
Նեպալի ոստիկանությունը հայտնել է, որ երկրում տեղի ունեցած ջրհեղեղի հետևանքով զոհերի թիվը հասել է 489-ի։ Անհետ կորածների թիվը գերազանցում է 900-ը։ Նրանց թվում կա 537 օտարերկրացի։
Ջրհեղեղը տեղի էր ունեցել Նեպալի և Չինաստանի սահմանին օգոստոսի 26-ին՝ սառցադաշտի փլուզման հետևանքով։ Տիբեթում հաստատվել է 5 հոգու մահը, անհետ կորած է 558 մարդ, այդ թվում՝ օտարերկրյա զբոսաշրջիկներ։
Բաժանորդագրվեք մեր ալիքին Telegram-ում