ԱԱԾ-ն աշխատանքի է հրավիրում Java ծրագրավորման փորձառու մասնագետների

ՀՀ ազգային անվտանգության ծառայությունը հրավիրում է աշխատանքի Java ծրագրավորման փորձառու մասնագետների։  

Ինչպես «Արմենպրես»-ին տեղեկացրին ՀՀ ԱԱԾ լրատվական ծառայությունից, ներկայացվող հիմնական պահանջներն են՝

• բարձրագույն կրթություն՝ տեղեկատվական տեխնոլոգիաների, համակարգչային գիտությունների, ծրագրավորման կամ հարակից մասնագիտություններով, 
• Java ծրագրավորման ոլորտում առնվազն 5 տարվա մասնագիտական աշխատանքային փորձ, 
• Java ծրագրավորման լեզվի և օբյեկտակողմ ծրագրավորման (OOP) սկզբունքների խորքային իմացություն, 
• Java-ի հիմնական տեխնոլոգիաների և ծրագրային ճարտարապետության վերաբերյալ մասնագիտական գիտելիքներ, 
• տվյալների բազաների, SQL-ի, REST API-ների և ծրագրային համակարգերի ինտեգրման վերաբերյալ գիտելիքներ, 
• Git-ի և ծրագրային մշակման ժամանակակից գործիքների օգտագործման հմտություններ, 
• հայերենի գերազանց և առնվազն մեկ օտար լեզվի (անգլերենը նախընտրելի է) լավ իմացություն, 
• վերլուծական և տրամաբանական մտածողություն, խնդիրների լուծման կարողություն, բարձր պատասխանատվության զգացում, նախաձեռնողականություն և թիմային աշխատանքի կարողություն, 
• տարիքը՝ մինչև 40 տարեկան։   

            Դիմելու կարգը

           Դիմումների ընդունման ժամկետը՝ մինչև 2026 թվականի սեպտեմբերի 30-ը։

           Դիմել կարող են՝  

• [email protected] էլ. փոստով՝ կցելով դիմումը, ինքնակենսագրականը (CV) և կրթությունն ու մասնագիտական փորձը հավաստող համապատասխան փաստաթղթերը
• ք. Երևան, Նալբանդյան 104՝ փաստաթղթերը ներկայացնելով առձեռն կամ փոստով

«Եթե ունեք համապատասխան մասնագիտական կրթություն, Java ծրագրավորման ոլորտում աշխատանքային փորձ և ցանկանում եք Ձեր գիտելիքներն ու փորձառությունը ներդնել պետական նշանակության ծրագրերի և տեղեկատվական համակարգերի մշակման ու զարգացման գործում, ապա կարող եք դիմել հետագա աշխատանքի և համագործակցության հնարավորությունները դիտարկելու նպատակով»,-նշված է ԱԱԾ հայտարարության մեջ։