1 րոպեի ընթերցում
Հայաստանն ու Միացյալ Նահանգները ստորագրեցին TRIPP նախագծի վերաբերյալ շրջանակային համաձայնագիրը, որը մայիսի 26-ին նախաստորագրվել էր ԱՄՆ պետքարտուղար Մարկո Ռուբիոյի՝ Հայաստան կատարած այցի շրջանակներում։
«Արմենպրես»-ի փոխանցմամբ՝ այս մասին հայտնել է Հայաստանի արտաքին գործերի նախարարությունը։
ԱԳՆ-ն տեսանյութ է հրապարակել, որում Հայաստանի արտաքին գործերի նախարար Արարատ Միրզոյանը իր ստորագրությունն է դնում փաստաթղթի տակ։
«Սիրելի քաղաքացիներ, վայրկյաններ առաջ ձեր աչքի առաջ ես ստորագրեցի TRIPP-ի վերաբերյալ Միացյալ Նահանգներ-Հայաստանի Հանրապետություն շրջանակային համաձայնագիրը։ Հիշում եք՝ օրեր առաջ այն նախաստորագրվել էր իմ և ԱՄՆ պետքարտուղար Մարկո Ռուբիոյի կողմից նրա՝ Հայաստան կատարած այցի ընթացքում։ Եվ ահա պետքարտուղար Ռուբիոն իր ստորագրություններն է դրել համաձայնագրի տակ, և փաստաթուղթն առաքվել է Հայաստան, և այժմ արդեն ես էլ հայկական կողմի ստորագրությունները դրեցի։ Սրանով հեռավար ստորագրման գործընթացն ավարտված է, և համաձայնագիրը պատրաստ է վավերացման»,- ասել է Արարատ Միրզոյանը։