367.89
ՆԳՆ-ն հերքել է Գագիկ Ծառուկյանի հայտարարությունը Կոտայքի մարզում 52 պարեկի աշխատանքից ազատելու վերաբերյալ
1 րոպեի ընթերցում
Հայաստանի ներքին գործերի նախարարությունը հերքում է «Բարգավաճ Հայաստան» կուսակցության նախագահ Գագիկ Ծառուկյանի հայտարարությունը, թե իբր Կոտայքի մարզում Ոստիկանության պարեկային ծառայության 52 ծառայող է աշխատանքից ազատվել։
Տավուշի մարզի Դիլիջան քաղաքում «Բարգավաճ Հայաստան» կուսակցության քարոզարշավի ժամանակ Գագիկ Ծառուկյանը հայտարարել է, թե Կոտայքի մարզում 52 պարեկի են աշխատանքից ազատել միայն նրա համար, որ նրանց բարեկամները իր աջակիցներն են։
«Արմենպրես»-ի հետ զրույցում ՀՀ ներքին գործերի նախարարության մամուլի խոսնակ Նարեկ Սարգսյանը հերքեց Ծառուկյանի հայտարարությունը։
«Նշված հայտարարությունն ապատեղեկատվություն է, չի համապատասխանում իրականությանը»,- ասաց Սարգսյանը։
Կարդացեք հոդվածը` English
Բաժանորդագրվեք մեր ալիքին Telegram-ում