ԵՄ առաքելության ղեկավարն ու Բելգիայի ներկայացուցիչների պալատի նախագահը մասնակցել են Հայաստան-Ադրբեջան սահմանի պարեկությանը

Հայաստանում Եվրոպական միության դիտորդական առաքելության ղեկավար Սատու Կոյվուն մայիսի 7-ին հյուրընկալել է Բելգիայի Ներկայացուցիչների պալատի նախագահ Պետեր Դե Ռուվերին․ վերջինս ԵՄ առաքելության ներկայացուցիչների հետ նաև մասնակցել է պարեկության։

«Արմենպրես»-ի հաղորդմամբ՝ այս մասին ԵՄ դիտորդական առաքելությունը գրառում է կատարել X-ի իր միկրոբլոգում։

«Պարոն Դե Ռուվերն իր գնահատանքն է հայտնել ՀՀ-ում ԵՄ դիտորդական առաքելության կողմից կատարված կարևոր աշխատանքի առնչությամբ և շնորհակալություն է հայտնել առաքելության ղեկավարին, առաքելության բելգիացի և մնացած բոլոր անդամներին՝ նվիրված ծառայության և հանձնառության համար»,-նշված է գրառման մեջ։

On 7 May, HoM @s_koivu hosted the President of the Belgian Chamber of Representatives, @PeterDeRoover1 during a patrol with EUMA monitors. 🤝
Mr. De Roover expressed his appreciation for the important work carried out by EUMA and thanked HoM, the 🇧🇪 contingent, and all Mission… pic.twitter.com/Br7gOjOK8B

— European Union Mission in Armenia (@EUmARMENIA) May 8, 2026