1 րոպեի ընթերցում
Իսրայելի ոստիկանությունը ապրիլի 20-ին հայտնել է, որ Իրանի օգտին լրտեսություն կատարելու կասկածանքով ձերբակալվել են երկու երիտասարդներ։ «Արմենպրես»-ի փոխանցմամբ՝ այս մասին հայտնում է The Times of Israel-ը։
Նշվում է, որ կասկածյալներ 19-ամյա Սագի Հայկը և 21-ամյա Ասսաֆ Չեթրիթը կապի մեջ են եղել իրանցի գործակալի հետ։
«Հայկը համաձայնվել է վերապատրաստում անցնել արաբական երկրներից մեկում և նույնիսկ նրան խնդրել են լրացուցիչ մարդկանց հավաքագրել նրանց (իրանցիների) ղեկավարությամբ առաքելություններ իրականացնելու համար», - հայտնել է ոստիկանությունը։
Երկու երիտասարդներին էլ մեղադրանք է առաջադրվելու Լոդ-Կենտրոնական շրջանային դատարանում։