1 րոպեի ընթերցում
Լոռու մարզի Տաշիր համայնքում կառավարության ուղիղ ֆինանսավորմամբ կառուցվում է բժշկական կենտրոնի նոր շենք։
«Արմենպրես»-ի հաղորդմամբ՝ այս մասին Տաշիրում ՀՀ վարչապետ Նիկոլ Փաշինյանի շրջայցի ժամանակ տեղեկացրեց Լոռու մարզպետ Արեն Մկրտչյանը՝ անդրադառնալով համայնքում կառավարության ուղիղ ֆինանսավորմամբ և սուբվենցիայով իրականացվող խոշոր ծրագրերին։
«Շինարարությունը գտնվում է ավարտական փուլում։ Կառավարությունը 1 միլիարդ 600 միլիոն դրամ է ներդրել։ Նախկին շենքը բավականին անմխիթար վիճակում է գտնվում»,-ասաց Մկրտչյանը։
Նրա խոսքով՝ Տաշիր խոշորացված համայնքում նաև 5 նոր կրթահամալիր է կառուցվում։
Կառավարության համաֆինանսավորմամբ էլ իրականացվում են ներհամայնքային ճանապարհների ասֆալտապատման, փողոցների լուսավորության ցանցի անցկացման ծրագրեր
«Միայն Տաշիր քաղաքում 4 կիլոմետր 400 մետր լուսավորության համակարգ ենք անցկացրել»,-ընդգծել է մարզպետը։