366.89
Անհայտ անձինք հրաձգություն են բացել Աֆղանստանում. զոհվել է 7 մարդ
1 րոպեի ընթերցում
Աֆղանստանի Հերաթ վիլայեթում անհայտ անձինք կրակել են քաղաքացիների ուղղությամբ։ «Արմենպրես»-ի փոխանցմամբ՝ այս մասին հայտնում է ՌԻԱ Նովոստին, հղում անելով աֆղանական լրատվամիջոցներին և Ներքին գործերի նախարարությանը։
«Անհայտ անձինք գնդակահարել են խաղաղ բնակիչներին։ Գրոհի հետևանքով զոհվել և վիրավորվել են տասնյակ մարդիկ»,- ասված է հաղորդագրությունում։
Ականատեսը պատմել է, որ զինված անձինք սկզբում առանձնացրել են տղամարդկանց և գնդակահարել նրանց կանանց ու երեխաների աչքի առաջ։
«Կանայք, որոնք փորձում էին փախչել, ևս սպանվեցին։ Զոհերի և վիրավորների թվում նաև երեխաներ կան»,- նշել է ականատեսը։
Նախնական տվյալներով՝ զոհվել է 7, վիրավորվել՝ 13 մարդ։
Կարդացեք հոդվածը` Русский
Բաժանորդագրվեք մեր ալիքին Telegram-ում