Մասնավոր պահնորդական ընկերության աշխատակիցը իրեն ամրակցված զենքից պատահական կրակոց է արձակել
1 րոպեի ընթերցում
Ի պատասխան ԶԼՄ հարցումների՝ ՀՀ էկոնոմիկայի նախարարությունը մանրամասներ է հայտնել մասնավոր պահնորդական ընկերության աշխատակցի հետ կապված միջադեպի վերաբերյալ։
Այդ մասին տեղեկացնում է «Արմենպրես»-ը՝ վկայակոչելով ՀՀ էկոնոմիկայի նախարարության ֆեյսբուքյան էջում ղետեզված հաղորդագրությունը։
«Այսօր, ժամը 16.56-ին բժշկական կենտրոնից ՆԳՆ 112 օպերատիվ կառավարման կենտրոն հաղորդում է ստացվել, որ շտապօգնության խումբը «ձախ սրունքի առաջային մակերեսի հրազենային վիրավորում» ախտորոշմամբ բուժօգնության է տեղափոխել մի անձի։ Նախնական տվյալներով՝ ՀՀ էկոնոմիկայի նախարարության մասնավոր պահնորդական ընկերության աշխատակիցը հերթափոխի ընդունման-հանձնման ժամանակ իրեն ամրակցված զենքից պատահական կրակոց է արձակել։ Տեղափոխվածի առողջական վիճակը գնահատվում է բավարար»,- նշված է հաղորդագրության մեջ։