4 րոպեի ընթերցում
IDBank-ը համագործակցության հուշագիր է ստորագրել Երևանի պետական համալսարանի հետ։ Բանկը իր «Կողք կողքի» սոցիալական պատասխանատվության նախաձեռնության շրջանակում կֆինանսավորի ԼՂ-ից 103 ուսանողի կրթավճարները, որը կազմում է ավելի քան 35 մլն դրամ։
Համագործակցության հուշագրի շրջանակում նախատեսվում է կրթաթոշակներ տրամադրել Մայր բուհի՝ ԼՂ-ից 103 ուսանողների՝ նպաստելով նրանց կրթության առաջընթացին և սոցիալական կայունությանը։
IDBank-ի Վարչության նախագահ Մհեր Աբրահամյանի խոսքով Բանկի համար չափազանց կարևոր է լինել հայրենակիցների կողքին։
«Երևանի պետական համալսարանի կողմից իրականացվել էր կարիքների գնահատում և արցախցի 103 ուսանող սոցիալական խնդիրների պատճառով հայտնվել էր ուսումն ընդհատելու վտանգի առջև։ Կարևորելով կրթությունը և դրա շարունակականությունը՝ IDBank-ը որոշում կայացրեց ԵՊՀ-ին փոխանցել բոլոր 103 ուսանողների կրթավճարները։ Նման նախաձեռնությունների շնորհիվ մենք կարողանում ենք ոչ միայն նյութական աջակցություն տրամադրել, այլ նաև կայունության և վստահության զգացում փոխանցել երիտասարդներին՝ օգնելով նրանց կերտել իրենց ապագան Հայաստանում», - ասել է Մհեր Աբրահամյանը։
Երևանի պետական համալսարանի ռեկտոր Հովհաննես Հովհաննիսյանի խոսքով՝ ԵՊՀ-ն առաջին իսկ օրերից կանգնել է նրանց կողքին՝ փորձելով հնարավոր բոլոր միջոցներով աջակցել նրանց թե՛ կրթությունը շարունակելու, թե՛ սոցիալական դժվարությունները հաղթահարելու ճանապարհին.
«Մենք դիմել ենք մեր բարեկամներին, գործընկերներին և բոլոր այն կառույցներին, որոնք պատրաստակամ են եղել կիսելու այս պատասխանատվությունը և իրենց ներդրումն ունենալու մեր ուսանողների ապագայի կերտման գործում։ Այսօր առանձնակի ուրախությամբ ենք արձանագրում, որ IDBank-ը միացել է այս կարևոր նախաձեռնությանը՝ կատարելով իսկապես մեծ ու նշանակալի ներդրում։ Մենք բարձր ենք գնահատում այս գործընկերությունն ու խորին շնորհակալություն հայտնում IDBank-ին՝ մեր ուսանողների նկատմամբ դրսևորած վստահության, հոգատարության և կրթության շարունակականությունը կարևորելու համար»:
Բացի ֆինանսական աջակցությունից՝ IDBank-ը իր ներդրումը կունենա նաև երիտասարդների ֆինանսական գրագիտության հարցում։ Բանկի մասնագետները կայցելեն տարբեր ֆակուլտետներ և ֆինանսական կրթության դասընթացներ կանցկացնեն երիտասարդների համար։ Նման հանդիպումներ արդեն իսկ կայացել են ԵՊՀ-ի Տնտեսագիտության և կառավարման ֆակուլտետի առաջին կուրսի ուսանողների հետ։
IDBank-ի «Կողք Կողքի» ծրագիրն իրականացվում է 2024 թվականից։ Ստորև ծրագրերից մի քանիսը՝
«Քո կողքին». IDBank-ի աջակցության նոր ծրագիրը՝ ուղղված բռնի տեղահանված արցախցիներին
IDBank-ի ֆինանսավորմամբ Սվարանց գյուղը մանկապարտեզ կունենա․ «Կողք կողքի» ծրագիրը շարունակվում է
«Կողք կողքի»․ մեկնարկել է IDBank-ի՝ արցախցիներին ուղղված նոր ծրագիրը
Կրթաթոշակ 100 արցախցի ուսանողի՝ IDBank-ի «Կողք կողքի» ծրագրի շրջանակում
IDBank-ն ամփոփել է արցախցի դպրոցականների համար ֆինանսական կրթության ծրագրի արդյունքները
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ