Մյանմայի խորհրդարանը երկրի նախագահ է ընտրել Մին Աուն Հլայնին

Մյանմայի Միության ժողովը (խորհրդարանը) հանրապետության նախագահ է ընտրել Մին Աուն Հլայնին: «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը՝ վկայակոչելով քվեների հաշվարկի տվյալները։

69-ամյա Հլայնի թեկնածությունը պաշտպանել է խորհրդարանականների մեծամասնությունը, որոնք մտնում են Ժողովրդական ներկայացուցիչների ժողովի (ստորին պալատ) և Ազգությունների ժողովի (վերին պալատ) կազմի մեջ։

2011 թվականին Հլայնը նշանակվել է զինված ուժերի գլխավոր հրամանատար, նաև դարձել Ազգային պաշտպանության և անվտանգության խորհրդի անդամ:

2021 թ․ փետրվարին զինվորականները Մին Աուն Հլայնի գլխավորությամբ տապալել են քաղաքացիական կառավարությունը՝ մեղադրելով դրա անդամներին 2020 թ․ նոյեմբերի ընտրություններում լայնածավալ ընտրակեղծիքների համար, և երկրում հայտարարել արտակարգ դրություն: