Ռուսաստանը պատրաստակամություն է հայտնել օգնել Իրանի շուրջ հակամարտության կարգավորման հարցում

Ռուսաստանը պատրաստակամություն է հայտնել օգնել Իրանի շուրջ հակամարտության կարգավորման հարցում: 

«Արմենպրես»-ի փոխանցմամբ՝ այս մասին հայտնել են ՌԴ արտաքին գործերի նախարարությունից՝ ՌԴ ԱԳ նախարար Սերգեյ Լավրովի և նրա եգիպտացի գործընկեր Բադր Աբդել Աթայի միջև բանակցություններից հետո: 

Նշվում է, որ Ռուսաստանի և Եգիպտոսի ԱԳ նախարարները քննարկել են Իրանում ԱՄՆ-ի և Իսրայելի պատերազմի հետևանքով Պարսից ծոցի տարածաշրջանում ռազմաքաղաքական իրավիճակի աննախադեպ սրման հետ կապված հարցեր։

«Լավրովը հաստատել է Ռուսաստանի պատրաստակամությունը՝ համապարփակ օգնություն ցուցաբերելու Մերձավոր Արևելքում առկա հակամարտությունները խաղաղ ճանապարհով լուծելու հարցում՝ հաշվի առնելով տարածաշրջանի բոլոր պետությունների շահերը, առանց որևէ երկակի ստանդարտի», - ասվում է հանդիպումից հետո նախարարության կայքում հրապարակված հայտարարությունում: