Կիմ Չեն Ընը վերընտրվել է Հյուսիսային Կորեայի պետական ​​գործերի նախագահ

Հյուսիսային Կորեայի առաջնորդ Կիմ Չեն Ընը Փհենյանում բացված 15-րդ գումարման Գերագույն ժողովրդական ժողովի առաջին նստաշրջանի ընթացքում վերընտրվել է ԿԺԴՀ-ի պետական ​​գործերի նախագահ: «Արմենպրես»-ի փոխանցմամբ՝ այս մասին հաղորդում է Yonhap գործակալությունը՝ հղում անելով հյուսիսկորեական  պետական ​​լրատվամիջոցներին։

«Կիմ Չեն Ընը ԿԺԴՀ-ի պետական ​​գործերի նախագահ է վերընտրվել 15-րդ գումարման Գերագույն ժողովրդական ժողովի առաջին նստաշրջանի առաջին օրը», - ասվում է հրապարակման մեջ։

Yonhap-ը նշում է, որ նստաշրջանի ընթացքում Չո Յոն Վոնը, որը հայտնի է որպես Կիմ Չեն Ընի մերձավոր աջակիցներից մեկը, ընտրվել է Գերագույն ժողովրդական ժողովի մշտական ​​կոմիտեի նախագահ՝ փոխարինելով Չխվե ​​Ռյոն Հեին։