Կառավարությունը կաշխատի բանկային համակարգի հետ վարկերի տոկոսների նվազեցման ուղղությամբ․ Փաշինյան
1 րոպեի ընթերցում
Հայաստանի կառավարությունը, աշխատելով բանկային համակարգի հետ, առաջիկայում կփորձի հասնել վարկերի տոկոսների նվազմանը։
«Արմենպրես»-ի փոխանցմամբ՝ «Քաղաքացիական պայմանագիր» կուսակցության ներկուսակցական քարոզարշավի շրջանակներում այս մասին ասել է ՀՀ վարչապետ Նիկոլ Փաշինյանը՝ անդրադառնալով քաղաքացիներից մեկի մտահոգությանը վարկային կազմակերպությունների կողմից տրամադրվող վարկերի բարձր տոկոսադրույթների վերաբերյալ։
«Առաջիկայում, բանկային համակարգի հետ աշխատելով, մենք կփորձենք այնպես անել, որ վարկերի տոկոսները նվազեն»,- ասել է Փաշինյանը։
Նա հիշեցրել է, որ վերջերս ՀՀ կառավարության խնդրանքով և Կենտրոնկաան բանկի ջանքերով նվազել են POS տերմինալների միջնորդավճարները՝ անկանխիկ առևտրի դեպքում։