1 րոպեի ընթերցում
Անցումային ժամանակաշրջանում Սիրիայի նախագահ Ահմեդ աշ-Շարաան հայտարարել է, որ ջանքեր է գործադրում, որպեսզի թույլ չտա Դամասկոսի ներքաշումը Մերձավոր Արևելքի հակամարտության մեջ: «Արմենպրես»-ի փոխանցմամբ՝ այս մասին հաղորդում է Al Arabiya-ն։
«Մենք մանրակրկիտ կերպով քննության ենք ենթարկում մեր յուրաքանչյուր քայլը և ձգտում ենք Սիրիային հեռու պահել ցանկացած հակամարտությանը մասնակցելուց», - ասել է նա։
«Կարևոր է հիշել, որ Սիրիան միշտ հակամարտությունների ասպարեզ է եղել վերջին 15 տարվա ընթացքում և դրանից առաջ, բայց այսօր այն ներդաշնակ հարաբերություններ ունի իր բոլոր հարևան երկրների հետ՝ տարածաշրջանային ու միջազգային մակարդակներում», - հավելել է աշ-Շարաան։
Իսրայելի զինվորականները մարտի 20-ին հայտարարել են, որ հարվածներ են հասցրել սիրիական բանակի օբյեկտներին՝ ի պատասխան հարավային աս-Սուեյդայի նահանգում դրուզների վրա հարձակումների։