1 րոպեի ընթերցում
Ադրբեջանի պաշտպանության նախարարությունը դատապարտել է Իրանին «Թուրքիայի տարածքի վրա հերթական հրթիռային հարձակման» համար։
«Արմենպրես»-ի հաղորդմամբ՝ այս մասին փոխանցում են ադրբեջանական լրատվամիջոցները։
Նշվում է, որ Ադրբեջանի ՊՆ-ն խստորեն դատապարտել է «Թուրքիայի տարածքի վրա հերթական հրթիռային հարձակումը»՝ այն համարելով ինքնիշխանության և տարածքային ամբողջականության կոպիտ խախտում։
Ադրբեջանի պաշտպանական գերատեսչությունը նման գործողությունները համարել է «անընդունելի և ուղղակի սպառնալիք տարածաշրջանային կայունությանը»։
Ավելի վաղ՝ մարտի 13-ին, Թուրքիայի ՊՆ-ն հայտարարել է, որ Իրանից արձակված և Թուրքիայի օդային տարածք մուտք գործած բալիստիկ հրթիռը վնասազերծվել է ՆԱՏՕ-ի հակաօդային և հակահրթիռային պաշտպանության համակարգերի կողմից։
Թուրքիան Իրանի կողմից մեկական հրթիռի արձակման մասին էր հայտնել նաև մարտի 4-ին և 9-ին։
Իրանը հերքել է առնչությունը այդ միջադեպերին։