Կենսաթոշակների և նպաստների բարձրացման համար Կառավարությունը տարեկան լրացուցիչ 75 միլիարդ դրամ կհատկացնի

Կենսաթոշակները և ծերության ու հաշմանդամության նպաստները մինչև 10 հազար դրամով բարձրացնելու համար Հայաստանի կառավարությունը լրացուցիչ տարեկան կհատկացնի շուրջ 75 մլրդ դրամ։

«Արմենպրես»-ի փոխանցմամբ՝ «Ֆեյսբուք»-ի իր էջում այս մասին գրել է ՀՀ էկոնոմիկայի նախարար Գևորգ Պապոյանը։

Կենսաթոշակները և ծերության ու հաշմանդամության նպաստները մինչև 10 հազար դրամով բարձրացնելու համար լրացուցիչ տարեկան կհատկացնենք շուրջ 75 մլրդ դրամ (ավելի քան 660 հազար մարդու կվերաբերվի)։ 

Ավելի վաղ ՀՀ վարչապետ Նիկոլ Փաշինյանը հայտարարել էր, որ ապրիլի 1-ից Հայաստանում կենսաթոշակներն ու նպաստները կբարձրանան մինչև 10 հազար դրամով։ Թեմայի վերաբերյալ լրացուցիչ պարզաբանումներ էր ներկայացրել նաև ՀՀ աշխատանքի և սոցիալական հարցերի նախարար Արսեն Թորոսյանը։