Կիմ Չեն Ընը վերընտրվել է Կորեայի աշխատավորական կուսակցության գլխավոր քարտուղարի պաշտոնում

Կորեայի աշխատավորական կուսակցության (ԿԱԿ) 9-րդ համագումարում երկրի առաջնորդ Կիմ Չեն Ընը վերընտրվել է գլխավոր քարտուղարի պաշտոնում: Ինչպես հաղորդում է «Արմենպրես»-ը, այս մասին  հայտնել է Կորեայի կենտրոնական լրատվական գործակալությունը (ԿԿԼԳ):

Կորեայի աշխատավորական կուսակցության 9-րդ համագումարի աշխատանքները սկսվել են փետրվարի 19-ին՝ մայրաքաղաք Փհենյանում: Համագումարին մասնակցում էին կուսակցության ութերորդ գումարման կենտրոնական ղեկավար մարմնի 224 անդամ և բոլոր կուսակցական կազմակերպություններում ընտրված 4 776 պատվիրակ՝ ընդհանուր առմամբ 5 000 մարդ։

Չինաստանի նախագահ Սի Ծինփինն արդեն շնորհավորել է Կիմ Չեն Ընին կուսակցության գլխավոր քարտուղարի պաշտոնում ընտրվելու կապակցությամբ։