Ճապոնիայի վարչապետը խոստացել է պաշտոնաթող լինել իր կուսակցության պարտության դեպքում

Ճապոնիայի վարչապետ Սանաե Տակաիչին խորհրդարանի ստորին պալատի ընտրություններից առաջ կուսակցական առաջնորդների բանավեճի ժամանակ խոստացել է հրաժարական տալ, եթե իր Լիբերալ-դեմոկրատական ​​կուսակցության և «Ճապոնիայի նորացման կուսակցության»  կոալիցիան չստանա մանդատների կեսից ավելին։ «Արմենպրես»-ի փոխանցմամբ՝ այս մասին հաղորդել է «ՌԻԱ Նովոստի»-ի թղթակիցը։

Տակաիչիին հարց են ուղղել՝ արդյոք նրան չի անհանգստացնում այն, որ ստորին պալատի արձակումից հետո կառավարության վարկանիշն ընկել է։

«Չի անհանգստացնում։ Սովորաբար խորհրդարանի արձակումից հետո կառավարության վարկանիշը տասն անգամ նվազում է, ուստի չեմ կարծում, որ մերն այդքան շատ է նվազել։ Բայց եթե ԼԴԿ-ն այս անգամ պարտվի, ապա ես վարչապետ չեմ լինի և չեմ կարողանա իրականացնել այն քաղաքականությունը, որը ցանկանում եմ։ Եթե ԼԴԿ-ն և «Ճապոնիայի նորացման կուսակցությունը» չստանան տեղերի կեսից ավելին, ապա ես անմիջապես հրաժարական կտամ։ Այնպես որ, ես հիմա կփորձեմ անել լավագույնը», - ասել է Տակաիչին։

Վերջին հարցումների համաձայն՝ Տակաիչիի կառավարության հավանության վարկանիշը մնում է բարձր՝ 60%, սակայն հարցումից կախված՝ նվազել է 4-ից 10 տոկոսային կետով։

Ճապոնիայի խորհրդարանի ստորին պալատի ընտրությունները կկայանան փետրվարի 8-ին։