ԱՄՆ-ում ՀՀ դեսպանն ու Յուտա նահանգի պետքարտուղարը համագործակցության զարգացման պատրաստակամություն են հայտնել
1 րոպեի ընթերցում
Միացյալ Նահանգների Յուտա նահանգ կատարած աշխատանքային այցի շրջանակում ԱՄՆ-ում Հայաստանի Հանրապետության դեսպան Նարեկ Մկրտչյանը հանդիպել է նահանգապետի տեղակալ և պետքարտուղար Դեյդրե Հանդերսոնի հետ։
«Արմենպրես»-ի հաղորդմամբ՝ այս մասին նշված է ԱՄՆ-ում ՀՀ դեսպանության տարածած հաղորդագրության մեջ։
Նշվում է, որ հանդիպման ընթացքում դեսպան Նարեկ Մկրտչյանը և Դեյդրե Հանդերսոնը քննարկել են ՀՀ-ի և Յուտա նահանգի միջև հնարավոր տնտեսական համագործակցության ուղղությունները։
«Կողմերն ընդգծել են համագործակցության հետագա զարգացման ուղղությամբ անհրաժեշտ քայլեր ձեռնարկելու պատրաստակամությունը»,-ասված է հաղորդագրության մեջ։