Ղազախստանի Հանրապետության նախագահի հեռուստառադիոհամալիրը շնորհավորել է «Արմենպրես»-ի հիմնադրման 107-ամյակը
1 րոպեի ընթերցում
Ղազախստանի Հանրապետության նախագահի հեռուստառադիոհամալիրը շնորհավորել է «Արմենպրես» պետական լրատվական գործակալության հիմնադրման 107-ամյակի առիթով:
«Թող ձեր աշխատանքն այսուհետ ևս լուսաբանի գլխավորը, ոգեշնչի և ծառայի հասարակության շահին»,- ասված է շնորհավորանքում:
1918 թվականի դեկտեմբերի 18-ին Հայաստանի առաջին հանրապետության Ազգային Խորհրդի որոշմամբ ստեղծվեց նախադեպը չունեցող պետական լրատվական` Հայկական հեռագրական գործակալությունը: 1920-1922 թթ. գործակալությունը կոչվել է «Հայկավռոստա», 1922-1972 թթ.` Հայկական հեռագրական գործակալություն, 1972 թվականին անվանվել է «Արմենպրես»:
Ղազախստանի Հանրապետության նախագահի հեռուստառադիոհամալիրն ապահովում է Ղազախստանի նախագահի գործունեության լուսաբանումը։ Հեռուստառադիոհամալիրը հիմնադրվել է 1996 թվականին։ Հեռուստառադիոհամալիրի կազմում են «Կազինֆորմ» լրատվական գործակալությունը, JIBEK JOLY հեռուստաընկերությունը և Փաստագրական ֆիլմերի կենտրոնը։