ԵՄ-ն և Թուրքիան կակտիվացնեն աշխատանքն՝ աջակցելու Երևանի և Բաքվի միջև խաղաղության համաձայնագրին

ԵՄ-ն և Թուրքիան ավելի ինտենսիվ կաշխատեն՝ աջակցելու Հայաստանի և Ադրբեջանի միջև խաղաղության համաձայնագրին։ «Արմենպրես»-ի փոխանցմամբ՝ այս մասին հայտարարել է Եվրամիության ընդլայնման հարցերով հանձնակատար Մարթա Կոսը։

«Թուրքիան առանցքային գործընկեր է Հարավային Կովկասում, Միջերկրածովյան տարածաշրջանում և Սև ծովի տարածաշրջանում կայունության համար։ Արտգործնախարար Հաքան Ֆիդանի հետ մենք կշարունակենք մեր դրական օրակարգը ԵՄ-Թուրքիա հարաբերությունների համար։ Մենք կակտիվացնենք աշխատանքն՝ աջակցելու Հայաստանի և Ադրբեջանի միջև խաղաղության համաձայնագրին», - գրել է նա X-ում Թուրքիայի արտգործնախարար Ֆիդանի հետ հանդիպումից հետո։

Türkiye is a key partner for stability in the South Caucasus, Mediterranean & Black Sea regions.

With Foreign Minister @HakanFidan, we continue our positive agenda for EU-Türkiye relations.

We will intensify work to support the Peace Agreement between Armenia and Azerbaijan. pic.twitter.com/HaaVtLbQ0i

— Marta Kos (@MartaKosEU) December 2, 2025

Ավելի վաղ Բրյուսելում հայ լրագրողների հետ հանդիպման ժամանակ անդրադառնալով հարցին՝ արդյոք հավատում է, որ Հայաստանի և Ադրբեջանի միջև խաղաղություն կհաստատվի՝ հաշվի առնելով Բաքվի հռետորաբանությունը, Կոսը նշել էր, որ հավատում է՝ երկու երկրների միջև վերջնական խաղաղությունը հնարավոր է։