1 րոպեի ընթերցում
Ռուսաստանի նախագահ Վլադիմիր Պուտինը հայտնել է, որ Ղրղզստանի ղեկավար Սադիր Ժապարովի հետ բանակցությունների արդյունքներով կստորագրվի կարևորագույն փաստաթղթերի փաթեթ։ Այդ մասին «Արմենպրես»-ը տեղեկանում է «ՌԻԱ Նովոստի» գործակալությունից:
«Կստորագրվի առևտրատնտեսական, կրթական, միգրացիայի և այլ բնագավառներում կարևորագույն միջկառավարական ու միջգերատեսչական փաստաթղթերի փաթեթ», - ասել է Պուտինը ռուս-ղրղզական բանակցությունների ընթացքում։
Պուտինը Ղրղզստան է մեկնել պետական այցով։ Նա Բիշքեկում կգտնվի նոյեմբերի 25-27-ը։ Պլանավորված է նաև Ռուսաստանի ղեկավարի հանդիպումը Բելառուսի նախագահ Ալեքսանդր Լուկաշենկոյի հետ և մասնակցությունը ՀԱՊԿ-ի գագաթնաժողովին։