Աֆղանստանում ուժեղ երկրաշարժի հետևանքով 10 զոհ և հարյուրավոր վիրավորներ կան

Աֆղանստանի հյուսիսային Մազար-է Շարիֆ քաղաքի մոտակայքում նոյեմբերի 3-ի առավոտյան տեղի է ունեցել 6.3 մագնիտուդով երկրաշարժ, որի հետևանքով զոհվել է առնվազն 10 մարդ, վիրավորվել՝ մոտ 260-ը։ Ինչպես հաղորդում է «Արմենպրես»-ը՝ վկայակոչելով Reuters գործակալությունը, տվյալները հայտնել են տեղի իշխանությունները՝ նշելով, որ զոհերի թիվը, հավանաբար, կաճի։

Երկրաշարժը տեղի է ունեցել Ավելի քան կես միլիոն բնակչություն ուենցող Մազար-է Շարիֆ քաղաքի մոտակայքում՝ 28 կմ խորության վրա։ 

Պաշտպանության նախարարությունից հայտնել են, որ երկրաշարժի վայր են ժամանել փրկարարներն ու շտապօգնության աշխատակիցները՝ գործողություններ սկսելով մարդկանց հայտնաբերելու և փրկելու, վիրավորներին ու տուժածներին անհրաժեշտ օգնություն տրամադրելու նպատակով։ 

Առողջապահության նախարարության խոսնակ Շարֆաթ Զամանը հայտնել է, որ զոհերի ու վիրավորների թիվը կարող է աճել։